مسلسل زيزينيا| موجة حب بشر وعزيزة

مسلسل زيزينيا| موجة حب بشر وعزيزة

بشر وعزيزة.. زيزينيا
_____________________
انت عايز تتجوزني ليه يا بشر؟

سؤال غريب ماجاوبش عليه علي رأي عبد المطلب…

بس اني لازم نسمع اجابته..

بسيطة… اولا انا مش هقدر اضحك عليكي واقولك اني حبيتك من اول نظرة

ولو قلتها مش هنصدق

طبعا عشان عايشة قدامنا علي طول… لو كنت حبيتك كنت حبيتك من زمان

انت اصلا مكونتش شايفني

لا… تقدري تقولي مكونتش واخد بالي منك… ده تعبير افضل شوية

رمينا الحب علي جنب… في ايه تاني ؟؟

يوووه.. في كتير
اولا… بنت حلوة
ثانيا… متربية
ثالثا… لمضة و شخصية
رابعا… وشها بشوش لما تبتسم مع عنيها السود دول يقروا الفاتحة علي قلب اتخن تخين…..
خامسا… ودي اهم واحدة فيهم صريحة ودوغري مابتحبش اللف و الدوران… اللي في قلبها علي لسانها وعايزة تعيش بس بكرامتها.

طب كويس انت كده فكرت في ميزاتي بالنسبة لك
انت بقا ميزاتك ايه بالنسبة لي ؟؟

انا.. عندي ميزات كتير.. تقدري تقولي كلي ميزات

اني بقا شايفة اكتر
واحد.. اكبر مني بعشرين سنة
اتنين… سيرتك مالية اسكندرية كلها سرمحة و هلس و جري ورا البنات
تلاتة…. مبذر و ايدك سايبة والمبذرين كانوا اخوان الشياطين
اربعة… مانتش راسي علي حال و لا حتي في شغلك
خمسة… بقا….

لا..لا كفاية انا مش عايزك تتعبي نفسك كفاية الاربعة الاولانيين يركبوني الاكسبريس لتوكر..

انت زعلت!!؟

طبعا زعلت… ده انتي شرحتيني…. بس تعرفي يا زوزا انتي صح…. انتي كل كلمة قلتيها لكي حق فيها

وموافقة نتجوزك يا بشر

من  مسلسل زيزينيا ج٢
قصة و سيناريو و حوار أسامة انور عكاشة

 

للمزيد.. فنانون اشتهروا بـ البخل .. عض قلبي ولا تعض رغيفي

تابعونا على الـ فيس بوك  

شارك المقالة

اترك تعليقاً