دينا أنور: مسلسل لعبة نيوتن حمل رسالة تنوير

دينا أنور: مسلسل لعبة نيوتن حمل رسالة تنوير

دينا أنور: مسلسل لعبة نيوتن حمل رسالة تنوير

مسلسل لعبة نيوتن مسلسل ١٠/١٠ .. عمل محترف بكل المقاييس الفنية و الانتاجية و الاخراجية .. ده غير الابداع في السيناريو و الحوار و الرسائل الايجابية التنويرية العظيمة اللي تخللت المسلسل .. وسط مجموعة مسلسلات هابطة بتروج لأفكار متخلفة و بتغازل هوى إجرامي و هوس بالبلطجة و تحقير المرأة عشان تنول رضا العوام دون الاهتمام بالارتقاء بهم من خلال الفن ..

مسلسل لعبة نيوتن
مسلسل لعبة نيوتن

ده غير شخصية ” بيج زي” الرائعة .. اللي بالنسبة لمجتمعنا المنافق ولد تالف و بايظ و بيقلد الأمريكان .. لكن في الحقيقة هو ده نموذج الراجل اللي أي واحدة تتسند عليه و تلجأ له و تحتاج له .. و بصراحة كمان أنا متحيزة له من أول المسلسل .. بسبب إنه قمررررر و يشبه بيجاد ابني جداً .. خصوصاً بعد ما قرر يطول شعره و يعمله كيرلي 😍..!

كمان نموذج “الشيخ مؤنس” الضلالي .. اللي بالنسبة لمجتمعنا شيخ و تقي و بتاع ربونا و داعية للدين وسط الكفار .. لكنه في الحقيقة منافق و أفاق و مدّعي و مدلِّس و حيوان .. و ست واحدة مايطولهاش أو تقول له إنها مش عاوزاه تكسر مناخيره و تجيبه الأرض و تنزل دموعه و تخليه يغير كل قناعاته و يفتي على مزاجه و يحلل لنفسه كل اللي بيحرمه على غيره .. و دي حقيقتهم الغير قابلة للفصال أبداً .. و عن تجارب ..!!

دينا أنور: الدين معتقد والتدين مرض نفسي
دينا أنور: مسلسل لعبة نيوتن حمل رسالة تنوير

نيجي بقى للرسائل الإيجابية و التنويرية العظيمة اللي تخللها هذا المسلسل العظيم :

١- تربية البنت على إنها ضعيفة و مكسورة و لازم تبقى جبانة و مطيعة و تسمع كلام أي حد غير نفسها هو السبب الوحيد و الأهم في دفن مميزات كل البنات و الستات و تضييع مواهبهم و قتل أحلامهم و نقاط تميزهم و حصر وجودهم في وجود الرجل في حياتهم ..
و الدليل إن كل ست بيطلع من حياتها الراجل أو بتلاقي نفسها لوحدها من غيره أو حتى بيتخلى عنها و يسيبها لايصة .. بتكون النتيجة بنسبة ٩٩٪؜ إنها بتنجح و تثبت نفسها و تقدر تواجه أي مصاعب . . و بتقدر تتخلى عنه كمان لو زودها و حاول يقل منها أو يشكك فيها .. و ممكن جداً تستبدله و تغيّره براجل أحسن و أنفع لها .. و وارد جداً تكره الصنف كله و تعيش حرة بكامل إرادتها .. أو تعيش حياتها من جديد مع راجل جديد يديها اللي ما اخدتوش في علاقاتها الفاشلة .

مسلسل لعبة نيوتن
مسلسل لعبة نيوتن

٢- عجبني جداً الاسقاط الغير مباشر على هجومية و عنف المحجبات و المنتقبات ضد النساء السافرات .. و صوتهم العالي و تلقيحهم بالكلام و غيرتهم المريضة و محاولاتهم المستميتة انهم يخلوا كل الستات شبههم حتى بناتهم .. و كمان شعورهم المنحولة و بشرتهم غير الصافية و تكشيرتهم و بوزهم اللي بيكونوا رد فعل جسمامي و نفسي طبيعي لمخالفة فطرة المرأة في حب التزين و الظهور بمظهر مغري و جميل ..

٣- عدم الاحتفاء بارتداء هنا للخمار من قبل أختها و جوزها السابق و حماها و حماتها .. و نبرة السخرية اللي كانوا بيكلموها بيها و هما بيقولوا لها يا شيخة هنا و يا حاجة هناء .. زي ما دايماً بيصدروا لنا إن الخطوة دي خطوة تستحق التهنئة و تدل على الترقية الدينية ..

كمان التحول السلبي في شخصية هنا بعد ارتدائه من فتاة رقيقة أنيقة لأمرأة عبوس عصبية تحاول إظهار نفسها بعد إخفاء جمالها بالتحكم في أختها الصغيرة و الصوت العالي في المستشفى و الشجار مع التمريض و تحدي طليقها و الغل من رفيقة طليقها المحافظة على أنوثتها و تحررها ..

٤- هروب الفتاة المحجبة من العائلة المتزمتة الملتزمة بحثاً عن العلم و الحياة بإرادة .. لأن حياة الفتيات في مثل هذه العائلات حقاً عبارة عن جحيم نفسي و معنوي و انساني لا يُطاق .. لا تطيق الحياة بينهم إلا من استسلمت لغسيل الدماغ أو من استطاعت التكيف مع القهر الانساني و النفسي .. و كل من خرج منهم أو تكيف معهم غير سوي و غير متزن ..

٥- خلع هنا للخمار و الحجاب بعد تحررها من فكرة الامتنان لمؤنس .. و هي خطوة تقدم عليها ٩٩.٩٪؜ من المنفصلات عن رجال متدينين .. لأنه يكون جحيماً و سجناً لا يطاق .. و يتم احتماله قهراً فقط من أجل سير الحياة .. و بمجرد دخول المنزل يتم خلعه و إلقائه على أقرب كرسي .. و في الأغلب الأعم تصاحبه المبالغة في تكشف الجسد بعد دخول المنزل كنوعٍ من التعويض النفسي لقهر الحجاب .. و زوجة مؤنس المنتقبة اتقنت هذا الدور تماماً بلون شعرها الصارخ و ملابسها الكاشفة و ماكياجها الزائد في المنزل .. هكذا غالبية المنتقبات .. ينفسن عن قهرهن الأنثوي بمبالغات ٍ تصل في أحيانٍ كثيرة للفجاجة طمعاً في استشعار الأنوثة التي وأدت للأبد خارج المنزل ..

٦- فكرة التزام الرجل نحو المرأة التي وثقت به و أحبته و اصطفته من بين الرجال بطلبها للزواج و احترامها و اقتناءبيتٍ جميلٍ لأجلها و الحزن عليها بعد رحيلها .. بغض النظر عن نظرية المتخلفين و الساقطين أخلاقياً و عديمي المروءة ” مافيش راجل بيتجوز ست سلمته نفسها من غير جواز .

٧- عرض جميع نماذج الرجال السلبية و الايجابية .. تماماً كما هم في الحقيقة :

-الزوج الغبي سليط اللسان المُحبِط المتخلّي عن المرأة في أصعب ظروفها ” حازم” ..

-المتدين الوصولي الانتهازي الذي يستخدم الدين لتحقيق كل رغباته و يخالفه بكل أريحية عندما يتعارض مع رغبته في امرأة سافرة ” مؤنس”..

-المخرج المتحرر الساقط الذي لايفهم من التحرر سوى الجنس المجاني و المرأة المتاحة بلا قيد أو شرط .. الذي يستخدم النساء للنزوات الحيوانية فقط شأنه شأن المتدينين .. و لا يهتم بالمشاعر و لا الأخلاقيات .. و يعيش كالحشرة بين مجموعة من المدمنين و المنحرفين .. و هذا بالذات نموذج واقعي جداً و منتشر جداً بين من يعتبرونهم فنانين و مثقفين ” عمر” ..

-المتدين المهزوز الذي يحث نساء غيره على الحجاب و النقاب .. ثم يتزوج راقصة صاحبة مدرسة رقص و يحاول أن يطوعها و يتحكم فيها .. و عندما تنتصر لحريتها و إرادتها يعكف على تشويهها و تنغيص حياتها و يستبدلها بجارية مطيعة تعوضه كسرة أنفه و تعالج عنده عقدة التحكم المرضي ” والد مؤنس ”

– الراجل الحنون الحقاني الشهم.. خامة الرجولة الحقيقيةبتاعت زمان .. اللي عنده قدرة يدي حنان لبنات الناس لدرجة انهم يسموا مولودهم على اسمه في الغربة ” ابراهيم والد حازم”

– و أخيراً القمر ” بيج زي” .. الشاب القمر الروش المتحضر .. الطبيعي اللي مش بيعمل اي حاجة غصب عنه .. الحقيقي و الشهم و الراجل الجدع بجد .. اللي بيتوجد وقت الأزمة و يقف بعيد لما ينتهي دوره .. اللي لما قالت له مؤنس بيعاملني باحترام قال لها على فكرة الطبيعي ان الناس تتعامل مع بعض باحترام .. اللي كان بيقول لها بكل بساطة بطلي تلومي نفسك على كل حاجة لما تقعد تشتكي له فشلها .. اللي عرف يحميها في كل مرة لجأت له فيها حتى من نفسها .. اللي ما بيسلمش دماغه لا لشيخ و لا لجيرل فريند و لا لأي حاجة غير احساسه .. قلب كبيييييير يا ” بيج زي”

على فكرة يا محمد يا سامي .. المسلسل ده برضه تأليف و اخراج شخص واحد .. و برضه البطلين كانوا بيتخانقوا عالبطلة .. بس غريبة يا أخي .. امكانيات مسلسلهم ما تجيش واحد على مليون من تكلفة سراياتك و عربياتك و ماكياج مراتك .. و رغم كده المسلسل نجح بأقل تكلفة و بسلاسة و عبقرية صناعه .. و منى زكي اقنعتنا من غير تبريق و لا أفورة و لا ماكياج زيادة .. بصراحة كانت غول تمثيل و شلال انفعالات حقيقية و حرفنة في التقمص .. ياريت تخلي مي تتعلم منها لو ناوية تمثل تاني .

المزيد..

 

جريمة فيرمونت ومسلسل الطاووس |من تسبب في وقف “الطاووس”؟!

صفحتنا الرسمية فرندة – Farandh

متحرش المعادي | دينا أنور عن التحرش: معظم المتدينين متحرشين !!
دينا أنور: مسلسل لعبة نيوتن حمل رسالة تنوير
شارك المقالة