فيديو دينا أنور : أنا ست الستات والمادة الخام للأنوثة !!

فيديو دينا أنور : أنا ست الستات والمادة الخام للأنوثة !!

.فيديو دينا أنور : أنا ست الستات والمادة الخام للأنوثة !!

علقت الإعلامية دينا أنور على فيديو متداول للشيخ أشرف الفيل.

وقالت دينا أنور عبر صفحتها الشخصية:

الشيئ بالشيئ يذكر .. بعد ما شوفت فيديو الشيخ أشرف الفيل مع زوجة بتحكي له انها بعتت لجوزها اللي كان بيكلم ستات غيرها عالسوشيال ميديا واحدة صاحبتها قابلته و قالت له إن شكله وحش جداً و إنها اتصدمت فيه و إنه طلع أقل من توقعاتها.

وبسبب كده فقد الثقة في نفسه و اتهز داخلياً و بقى يبص لنفسه في المرايا كتير و هو مكسور، و الزوجة الممحونة قال زعلانة إنها وصلته لكده.

و الشيخ الأكثر محناً اتهمها بالمكر و الإثم و عادي يعني إنه كان بيكلم غيرها ما كل انسان فيه عيوب و ماجراش حاجة!

للمزيد..

رسالة دينا أنور الأخيرة : وداعاً يا مرضى النفوس!

رجعت بالذاكرة لمرحلة إعدادي .. لما كنت متفوقة جداً في مادة الرياضيات و كان المدرس بتاعي بياخدني فصول الولاد اللي أكبر مني أحل لهم المسائل اللي ولا واحد في الفصل عرف يحلها.

وسط هرج و مرج و اعتراض منهم عشان أنا بنت .. و كنت بستغرب جداً إيه الغرور المبالغ فيه ده اللي يخلي مجموعة أولاد أغبياء يحقدوا على الأكثر منهم ذكاءً لمجرد إنها بنت !!!!

مع الوقت اكتشفت إن الراجل الشرقي بينشأ كائن طاووسي شديد الغرور بسبب النفخة الكدابة اللي بينفخوه بيها عائلياً و مجتمعياً و دينياً .. و إن الغرور ده لأنه مش منطقي و مش مسبب بيكون هش جداً و زائف.

بيتحطّم أمام أول واحدة تقول له لأ أو كانت معاه و ترفض ترجع له أو تكون حبته و نسيته و ارتبطت بواحد تاني أو يكون بالنسبة لها مش في مستوى طموحها أو مجال رؤيتها أساساً أو ما تحسسوش بالاهتمام اللي توقعه منها.

للمزيد..

سارة عبد الرحمن تطلق حملة لـ دعم حنين حسام

مرة كنت معزومة عند واحدة صاحبتي و جوزها .. دخل صديق لهم ما اعرفوش و اتعرفت عليه كأحد الضيوف و ما اهتميتش أتعرف عليه أكتر لأني أصلاً محدودة العلاقات و دايرتي المقربة منغلقة نوعاً ما.

فوجئت به بيقحم نفسه في حوار ليا مع طفلة صغيرة بعلمها حركات رقص و بيقول لي على فكرة هي بترقص أحسن منك ..!

رديت عليه بكل بساطة : هو مين سأل عن رأي حضرتك أصلاً ..؟

طبعاً هو كرجل شرقي شاف ست لوحدها مش معاها راجل و بالتالي مش متجوزة .. تخيل بعقليته المحدودة إنها ممكن تكون مستهدفاه كونه هو كمان داخل لوحده و مش معاه ست.

و بالتالي بادر باستفزازي متخيلاً مثلاً إني هقول له لا على فكرة ده أنا راقصة بريمو، طب استنى لما افرجك رقصي، لكنه اتصدم لما اكتشف انه مش هدف أساساً و لا أهمية على الإطلاق لإعجابه من عدمه.

لأنه مش في مجال الرؤية من الأساس و لا حتى ينطبق عليه الحد الأدنى لمجرد السماح له بالحديث معايا، فاتصدم جداً و فضل طول القعدة يحاول يكسر غروري و ينتقدني بأساليب ملتوية و أنا مصممة أقنعه إن رأيه فيا nothing زي ما بيقولوا الأجانب :

l don’t care ..!!!

دينا أنور: انا المادة الخام للأنوثة
دينا أنور: انا المادة الخام للأنوثة!!

صديقتي لما سمعت المشكلة لامتني اني وقفت له عالواحدة و شافت اني كنت ضروري اعديها .. لكن انا شوفت ان هو اللي احرج نفسه باقحامه لرأيه في حاجة ما تخصوش مع واحدة مايعرفهاش.

وفضلت مصممة اني ما غلطتش أنا بس اديت له درس انه مش ضروري يكون مهم في عيون كل الستات و رأيه ليس له قيمة خصوصاً لو ينطوي على قلة ذوق و خالي من المجاملات الطبيعية في بداية التعارف.

ودي حاجة ما اعرفش ليه بتحز في نفسية الرجالة قوي و بتطلع منهم ردود فعل عدائية و ساعات انتقامية.

للمزيد..

بصور مثيرة| عودة دينا أنور لـ الفيس بوك بعد يومين من غلق حسابها (صور)

أنا أهو .. شايفة نفسي ست الستات و جميلة الجميلات.. و المادة الخام للأنوثة و من نسل الآلهة الأنثى عشتار و ايزيس و افروديت و فينوس.

رغم كده ماعنديش أي مشكلة إن أي حد يقول عني مش جميلة أو إني ما أعجبوش .. عادي جداً .. مش كل الناس ذوقها حلو.

و حتى لو كل الناس حبوني و أعجبوا بيا أنا هحب واحد بس و هو اللي هيكون شاغلني اهتمامه لو كنت مرتبطة بيه .. غير كده أنا بعرف أدي كل حاجة لنفسي .. من أول الحقنة لحد الاهتمام و الدلع و الحنية.

من أكبر عقد الراجل الشرقي عقدة البطولة .. دايماً عاوز يكون البطل و مش بيتقبل بسهولة فكرة إنه ممكن مايعجبش أو ما يكونش هدف أو إن الست دي عندها اهتمامات أكبر في الشغل و الفلوس و الطموح .. أو مواصفات الراجل اللي يعجبها لا تنطبق عليه .. أو حتى بتحب واحد تاني.

للمزيد..

مي محمد عارية | تحد جديد للمجتمع من فتاة التيك توك

دينا أنور: انا المادة الخام للأنوثة!!
دينا أنور: انا المادة الخام للأنوثة!!

مع إن الصديق الراقي في أغلب الأوقات بالنسبة للأنثى بيكون أقرب لها من أي حد و ممكن تحكي له حاجات تتكسف تحكيها حتى للي بتحبه.

بس هنقول إيه الطبع غلاّب موضوع السماح لهم بالتعدد ده مش بس شوِّه فكرهم ده كمان بيخليهم يجوِّدوا و يصدقوا بجد إنهم محور الكون لكل أنثى والتجويد في السفاهة تفاهة.

#الدكتورة_بنت_الباشمهندس

للمزيد..

دينا أنور مع الكلب | هجوم متواصل ومعارك لا تهدئ

صفحتنا الرسمية فرندة – Farandh

دينا أنور: انا المادة الخام للأنوثة!!
دينا أنور: انا المادة الخام للأنوثة!!
شارك المقالة