هدير مكاوي أول single mother مصرية: الصور العارية لا تخصني
علقت هدير مكاوي على تداول صور عارية لها على مواقع التواصل الاجتماعي.
وأنكرت هدير أن تكون الصور العارية تخصها.
وقالت عبر صفحتها الشخصية على موقع التواصل الاجتماعي فيس بوك:
مساء الخير ، الحقيقة مش عارفة ابدء منين !
ابدأ من سرد احداث عبارة عن مسابقة مين يظلمنى اكتر ،ولا ظلمى لنفسي و أبنى بزواجى من شخص تخلى عنا، ولا ظلم المجتمع وقت استغاثتى به.
لكن اتمنى بعد معرفتكم بالحقيقة تقفوا ادام المرايا تحاسبوا نفسكم ! وتعرفوا انكم ظلمتم طفل عشان حابين تقولوا بس رأيكم من غير ما تعرفوا الحقيقة.
الحقيقة انى تزوجت بشكل مهدر لحقي لكن مش مهدر ليكم كمجتمع في شئ غير انى بالعكس بوعى بناتكم انهم ميمروش بتجربتى!
الحقيقة ان في بنت معرفهاش تم نشر صورها عارية على انها انا و مش بس قررتوا تشوهوا سمعتى لكن ظلمتوا بنت تانية معايا !
الحقيقة انى مكتبش على اكونت single mother و لا قلت هسجل أبنى بأسمى لأنى من حملى بدأت اجراءاتى القانونية.
الحقيقة انكم اتهمتونى من غير ما تحاولوا بس تعرفوا انا ليه استغاثت بيكوا!
للمزيد..
هاشتاج أول تحرش كان عمري| حكايات مرعبة عن التحرش يرويها أبطالها
الحقيقة ان في جوزى راهن على المجتمع انه هيكون ضدى حتى لو معايا الحق ، لكن مكنش ضدى وبس دة شوهونى و اتهمنى بأبشع الاتهامات الى معندوش أى تأكيد منها لكن بس عشان يرضي غروره الداخلى وينصب نفسه مؤمن وولى.
انا محتاجة اشكر كل الى بيدعمونى وجنبي وضهر ليا من وقت حملى لحد دلوقتى في قضيتى ضد جوزى وانى اوصل لحق أبنى( انتم سبب انى واقفة على رجلى و حاسة بالأمان بوجودكم ).
محتاجة اشكر كل الى شتمونى، اتهمونى بالخطأ ، وشوهونى، لانكم كنتم سبب في وجع خلانى أقوى وأقوى و اقدر ادافع اكتر عن حق أبنى.
و حاليا مش بنتبه حتى لأى شئ سلبي. بفضل الطاقة الايجابية الى محاوطانى.
شكرا لآدم على كل حاجة حلوة خلقتها في حياتى من يوم ما شرفت و على كل الطاقة الحلوة الى بتعطيهالى و كل الحب الى محاوطنى بيه، و اسفة ليك انى اخترت ليك أب غلط، بس اوعدك هكون أم وأب وأخت و صديقة لأخر يوم في عمرى.
شكرا لربنا 🙂 انه حارسنا انا وأبنى ومحافظ علينا.
للمزيد..
هدير مكاوي أول single mother مصرية تدعو لمواجهة مواقع الجنس الانتقامي
صفحتنا الرسمية فرندة – Farandh
