فك التعلق في علاقة توأم الشعلة

فك التعلق في علاقة توأم الشعلة

التعلق هو الحب الشديد.. حالة مرضية تصيب الانسان المتعلق، تجعله يجري وراء حبيبه دون وعي منه، نوع من أنواع الأدمان، زي مافي ادمان اشياء، في ادمان اشخاص

طاقة التعلق طاردة وليست جاذبة

تجعل الشخص المتعلق به يشعر بنفور تجاهك ومن ثم يهرب منك.

 أسباب التعلق في علاقة توأم الشعلة

1-الحرمان من الحب وانت صغير.
2-الخوف من الوحدة والهجر.
3- التجاهل والإهمال من قبل الأهل والأصدقاء.
4- الاستهتار بمشاعرك وعدم اعطاءك الفرصة لإبداء رأيك.

كيف أعرف اني متعلق؟ 

1-الخوف الشديد من فقدان الشخص المتعلقة به.
2-البعد عن الاهل والاصحاب.. الخ علشان اكون مع الشخص المتعلقة به.
3-التفكير الدائم والمستمر في الشخص المتعلقة به.
4-محاولات التحكم والامتلاك للشخص المتعلقة بيه.
5-استرجاع الذكريات الجميلة اللي بينكم.
6-المراقبة المستمرة للطرف المتعلق به علي السوشيال ميديا .
7-الغيرة الشديدة من اقتراب اصحاب واقارب الشخص المتعلق به.. ومبادلة الحديث او الخروج معه.
8-الشك الدائم والمستمر في الشخص المتعلقة به.. واقاء اللوم عليه.
9-الشعور بالتخلي من الطرف الاخر في ابسط المواقف.
10-الاهمال في النفس في مقابل الاهتمام بالطرف الاخر.
11-الاحلام المزعجة اللي بتعبر عن موت او خيانة الشخص المتعلقة به.
12-قراءة المسجات بينكم.. او سماع الاغاني التي ارسالها لك الشخص المتعلق به.. مرارا وتكرارا.
13-العصبية الزايدة عن اللزوم..
14-الفشل دراسيا ماديا عمليا… الخ.. اللي انتوا بتقولوا عليها صواعق كارمية.
15-ظهور الامراض زي القولون العصبي.. تساقط الشعر.. الوزن الزائد او فقدان الوزن بصورة ملحوظة.. جفاف البشرة… الخ

كيفية فك التعلق في علاقة توأم الشعلة ؟ 

• 1- التقرب  من الله 

 2- انفصلوا عن الاشخاص المتعلقين بيهم.

3-لما يجيوا علي بالكم استغفروا ربنا كتيررررر.

4-اشغلوا وقتكم بأي طريقة… بحيث مش يكون عندكم وقت تفكروا فيه.. او تراقبوه.

5-ممنوع الاغاني الرومانسية والافلام والروايات.. الخ
6-امسحوا كل الرسايل اللي بينكم والصور.. واخفوا الهدايا.. واي حاجة تفكركم بيه.

7-العبوا رياضة.. ادخلوا المطبخ.. اتعلموا حاجة جديدة.. ارسموا.. مارسوا هوايتكم.. غيروا قصة شعركم وغيروا لونه.. وغيروا طريقة لبسكم.. والبسوا الوانات زاهيه.. ابعدوا عن الالوانات الغامقة بتزود الاكتئاب.. ربوا قطط او كلاب او عصافير… الخ.. العبوا مع اطفال صغيرة.

8-التوقف عن المراقبه… وده مش هنعرف نوقفها مرة واحدة.. لازم تدريجيا.. زي انسحاب المخدرات بالجسم.. هنقلل الجرعة كل فترة زي المخدرات.. لو بتدخلي صفحته ٣ مرات في اليوم.. هنخليها مرة واحدة في اليوم لمده اسبوع.. بعد كده يوم نراقب ويوم نوقف لمدة اسبوع.. بعد كده مرتين في الاسبوع.. ثم مرة واحدة في الاسبوع.. بعد كده نوقف نهائي.. في الفترة دي افتكروا كل الذكريات الوحشة اللي مريتوا بيها مع توأمكم.. علشان تقدروا تبعدوا عنه.. مع سماع تمرين فك التعلق كل يوم قبل ما تناموا.

هل الهارب بيتعلق زي المطارد؟ 

نعم.. بيتعلق.. في مرحلة تبادل الادوار.. لما المطارد بيوقف مطاردة وبينفصل عن توأمه.. وبيفك التعلق وبيشتغل علي نفسه.. وقتها الهارب بيتحول لمطارد.. وبيتعلق بالهارب وبيطارده.

💞 طيب ايه هي اشكال المطاردة عند الهارب؟
هي مطاردة خفيفة مش عنيفة زي المطارد.. محاولات المطارده بتكون عن طريق المراقبه والتفكير المستمر واللايكات.. الخ.. زي ماشرحت في بوست الطعم.. وده لان الهارب بيحب نفسه عكس المطارد.. وبيخاف من الرفض والتجاهل.. خصوصا انه عارف ان تجاهل توأمه كتيرررر.

طيب ايه احساس المطارد لما الهارب بيتعلق بيه؟ 

نفس احساس الهارب لما المطارد بيتعلق بيه.. بيحس بنفور شديد تجاه توأمه.. وبيحس انه مش بقا بيحبه.. لان احساس الحب والشوق واللهفة عنده بيختفي اول ما بيشوف توأمه او يتكلم معاه.. وبيبقا بارد في كلامه مع توأمه.. وعنده انعدام في مواصلة الحديث مع توأمه.. وممكن يهرب حتي من غير مايكلم توأمه.. مجرد لما بيشوفه بيطلع يجري . سبحان الله دايرة وبتدور علشان نحس ببعض..

علشان كده معظم المطاردين بيقولوا ان مشاعرهم ايام التعلق احلي.. لانهم كانوا حاسين بشوق ولهفه تجاه توأمهم علي عكس دلوقتي حاسين ببرود عاطفي تجاهم.. وكتيررر منهم بدأ يشك في انهم في علاقة توأم شعلة.. لانه مش بقي يحب توأمه.. وفي منهم افتكر انه لما فك التعلق قطع الحبل الاثيري مع توأمه… ولا اي حاجة من الكلام ده.. كل الحكاية ان الهارب اتعلق.. وانتم لما فكيتوا التعلق..مشاعركم بردت.. لان قلبكم محتاج فترة نقاهه.. علشان يرجع يشتغل تاني… زي الكمبيوتر لما بتسطبله نسخة ويندوز جديدة.. محتاج يتعمله ريستارت علشان يرجع يحمل البرامج… ويشتغل من جديد.. هي دي الفكرة.

 ازاي افرق بين التوأم الحقيقي والتوأم المزيف لما افك التعلق والهارب يتعلق بي؟ 

التوأم الحقيقي لما تفكي التعلق وهو يتعلق بيكي.. هتحسي بنفور منه لما تشوفيه او يكلمك.. غير كده هتحسي بنفس مشاعر الحب واللهفة الطبيعية.. والتخاطر بينكم شغال عادي.. لانك فكيتي التعلق واستشفيتي.

التوأم المزيف هتحسي بنفور منه في قربه وفي بعده.. وهتبطلي تفكري فيه او تنتظري انه يرجعلك او يكلمك.. والتخاطر بينكم هيختفي.. وهتحسي بسعادة لما تفكي التعلق وبراحة.

نصيحة للهاربين اللي بيتابعوني.. فكوا التعلق انتم كمان.. علشان المطاردين بقوا ينفروا منكم.. وحاسين انهم مش بيحبوكم.. وياريت مش ترجعوا لتوأمكم إلا لما تفكوا التعلق.. علشان هيهربوا زيكم.. وهنقضيها زي توم جيري

للمزيد..

صفحتنا الرسمية فرندة – Farandh