ده البيت اللى أتصور فيه فيلم دعاء الكروان

ده البيت اللى أتصور فيه فيلم دعاء الكروان
فى منطقة أسمها تونة الجبل ( المنيا ) كانت الاستراحة الخاصة بعميد الأدب العربى … طه حسين ..

البيت بناه عالم الآثار الدكتور
( سامى جبره ) وأهداه للدكتور طه حسين كأستراحة وأقام فيه فعلا” فترة ومازالت الأستراحة موجودة حتى الأن 
المخرج هنرى بركات قال: صورت في الأماكن الخاصة بالدكتور طه حسين لأنه استوحى الرواية وكتبها أثناء إقامته ف الأستراحة 

قصة الفيلم كانت عظيمة فى رموزها وطرحها

الدكتور طه حسين فى تلميح فى أكثر من مقابلة إنها مستوحاه من حكاية حقيقية جرت فصولها في مسقط رأسه بأحدى قرى صعيد مصر التابعة لقرية مغاغا المنيا 
فى نوفمبر 1959 تم عرض الفيلم ونجح وبعد كام سنة أحتل مركز متقدم فى قائمة أفضل مائة فيلم فى تاريخ السينما المصرية 

أحداث الفيلم والرواية أغلبها فى الريف وصوت الكروان محورى أشبه بموسيقى تصويرية للأحداث علشان كدة كان الأسم دعاء الكروان 

الفيلم مثل مصر فى ترشيحات الأوسكار لأفضل فيلم ومثل مصر كمان في مهرجان برلين الدولى منافسة على جائزة الدب الدهبى

ده عن دعاء الكروان اللى شفناه وعرفناه كفيلم . لكن الرواية حكاية تانية جمال مختلف فى اللغة والأسلوب اللى استخدمهم د.طه حسين في التعبير عن أفكاره ومشاعر أبطاله

شئ بديع وأنت تقرأ الرواية سترى الريف المصرى يتحرك أمامك ستسمع أصواته وترى الأحداث والشخوص رأى العين 

أحيانا” يصعب تخيل أن يكون من كتب كل هذا شخص لا يرى بعينه لكن بصيرة الروح والعقل أبعد من حدود الخيال ..

فازت فاتن حمامة وأحمد مظهر بجائزة أفضل ممثل وممثلة ..وفازت زهرة العلا بأفضل ممثلة مساعدة .

صفحتنا الرسمية فرندة – Farandh

للمزيد حتتك بتتك وهوسة ودوشة| كلمات هيروغليفية لسه بنستخدمها