أثار خبر وفاة اليوتيوبر “ماما سناء” جدلًا كبيرًا خلال الفترة الماضية، خاصة بعد أن
ظهر نجلها حمو في مقطع فيديو، تحدث خلاله عن الإهمال الذي تعرضت له والدته
بعدما رفضت المستشفى استقبالها مما أدى إلى تدهور حالتها ووفاتها نتيجة تعرضها
لضيق تنفس شديد.
وبعد تداول فيديو “حمو”، تعاطف الكثيرون معه وما حدث مع “ماما سناء”،
وقرر اللواء هشام آمنة، محافظ البحيرة، إحالة مدير مستشفى مبرة كفر الدوار،
وطبيبين بالمستشفى للتحقيق بمعرفة النيابة العامة بشأن وفاة سناء عبد الحميد النجار،
الشهيرة باسم “ماما سناء” يوم الأربعاء 17 / 6 / 2020 بالمستشفى للإهمال وسوء
التعامل طبقا لشكوى نجلها.
وبين ليلة وضحاها تحول التعاطف مع “حمو” إلى هجوم عليه، وذلك بعد أن نشر طبيب
يُدعى أسامة فتحي، منشور تم تداوله بشكل واسع على “الفيس بوك”، قال فيه، ” مساء
مظلم لم ولا ولن ينير أبدا، النهاردة محافظ البحيرة أحال مدير مستشفى وطبيبين إلى
النيابه العامة بسبب بلاغ اهمال من مواطن” حمو شاكر” فى وفاة أمه ” ماما سناء”،
بدون أى تحقيق داخلى أو شئون قانونية الدكاترة اتحولت نيابة عامة، قبل ما نتكلم عن
الدكاترة خلونا نتكلم عن ” حمو شاكر وماما سناء” وده واحد بيعمل فيدوهات هو وأمه
وبيسترزق منها، يوم ٢٨ مايو كانو عاملين عزومة بصل وفسيخ وطبعا الكورونا بتخاف منهم”.
وتابع، “يوم ه يونيو حمو أخد ماما سناء ونزلها الشارع، يوم ٨ يونيو نزلها تانى
هو وأخوه، يوم ١٢ يونيو صورها فى الجيم ” ودى لوحدها جريمة لأن ممنوع فتح
الجيم”، يوم ١٤ يونيو عملو عزومة عندهم، طبعا كل ده مفيش اى اجراءات سلامة
تحميها أو تحافظ عليها، يوم ٢٠ يونيو عمل فيديو بعد ما ماتت محاولش حتى يتكلم
وهى تعبانه لا قرر يعمل فيديو لما ماتت ويعيط ادام الكاميرا وكده”.
وأضاف، “حمو شاكر بيشتكى أن الدكتور قاله مفيش رعايه مركزه ومفيش جهاز
تنفس صناعى…جايب صورتها وهى على سرير فى الاستقبال ومتركبلها ماسك أكسجين
وبيقول محدش عبرنا، حمو شاكر تسبب فى عدوى أمه بفيروس كورونا وهو المسئول
عن انها تتصاب عشان يعمل فيديوهات تجبله مشاهدات وفلوس وبيشتكى ان الدكاترة
مش قادرة تعمل سحر وتطلعله سرير رعاية من تحت الأرض”.
واشتد الهجوم عليه بعد نشر عدة صور من إعلانات جاءت ضمن مقطع الفيديو الذي
تحدث فيه “حمو” على صفحته على “الفيس بوك” عن تفاصيل الإهمال الذي تعرضت له والدته.
واتهم النشطاء “حمو” بأنه يستغل فيديو وفاة والدته بنشر إعلانات من أجل جني الأموال،
حيث كتب أحدهم، “الله يرحمها الحاجة سناء، بس هي كانت ضحية لابنها اللي عماه جنون
الشهرة وفلوس المشاهدات وحب اللايكات، مش هتكلم عن تحويل الدكاترة للنيابة العامة
ولا عن ان الوزيرة بنفسها اهتمت وخلت وكيل الوزارة يكلم الاستاذ حمو، بس الاستاذ حمو
على حس ماما سناء كان بيعمل مكاسب كبيرة جدا من اعلانات اليوتيوب وبعض فيديوهاتها
وصلت لثلاثة مليون مشاهدة فما ينفعش يوقف ده في الحظر ولازم يخرج بيها في كل حتة ويصور ويرفع عاليوتيوب”.
وتابع، “حمو في فيديو العياط بتاعه كان بيقول الليلة في الخاص بعشر آلاف جني واجيب منين
وما فكرش يفك دولارات اليوتيوب اللي كسبها على حس والدته عشان يعالجها حمو في فيديو
العياط بتاعه مشغل الاعلانات، آه والله واحد أمه ماتت بدل ما يقعد يدعيلها ويعيط انه كان
السبب في مرضها طلع في فيديو مشغل فيه الإعلانات عشان يكسب من وراها والفيديو في
يوم واحد عدى الاثنين مليون مشاهدة، ربنا يرحمك ويجعل مثواك الجنة انت وكل الناس اللي بتموت يوميًا”.
وصاحب منشوره صورًا من الإعلانات التي ظهرت في مقطع الفيديو.
وكتب أخر، “وجهه نظر شخصية في موضوع ماما سناء وابنها حمو ، أولا ربنا يرحمها
ويجعل مثواها الجنة، أنا مش من متابعين القناة بس معلش يعني يا عم حمو أخر فيديو ليك
اللي هو بتحكي فيه أن ولدتك توفت بسبب الإهمال أنت طالع تتكلم في حاجة مهمه ايه لازمتها
بقا تفعل الإعلانات في الفيديو لدرجه أن الفيديو فيه 8 إعلانات أساسيه دا غير الإعلانات الجانبيه،
وحسب تحليل موقع يوتيوب أن الفيديو دا بس هيحققلك 22 ألف دولار من الإعلانات ..كده انا
كشخص افهم ايه!!، افهم انك بتعمل سبوبه والسلام مش بتتكلم في حاجه مهمة ولا غيره أنت
بس استغليت الوضع علشان المصلحه تمشي، دولارات اليوتيوب جننت الناس خلتهم يتخلوا
عن مبادئهم علشان عدد الفيوهات يبقى في العالي والدولارات تكتر”.
