أعلنت المحاميه مها أبو بكر إلقاء القبض على محمد هاشم صاحب دار ميريت للنشر بتهمة التحرش.
للمزيد..
محمد منير يرد على تريند التحرش الجنسي : في بلدي البنات
وقالت مها عبر صفحتها الشخصية على موقع التواصل الاجتماعي فيس بوك:
القبض علي محمد ابراهيم هاشم صاحب دار ميريت و ذلك علي خلفية البلاغ رقم 2079 لسنة 2020 عابدين
و المقدم منى و أ. محمود أبوبكر مع وكيلتنا الشاعرة آلاء حسانين الحائزة علي جائزة اليونسكو لشعر الفصحي عام 2015
و اتهامها له بالتحرش و هتك عرضها
بكرة الخيط كرت.. و كله هيجي
فيما كتبت ألاء حسانين صاحبة البلاغ على صفحتها الشخصية منذ يومين:
صباح الخير، أدعو النساء والفتيات اللواتي تحرش بهن المتحرش محمد هاشم صاحب دار ميريت، الإبلاغ عن الواقعة، مهما تقادمت.
لأن قضايا التحرش والاعتداء الجنسي والاغتصاب لا تسقط بالتقادم.
واعرفي إنك مش غلطانة بأي شكل من الأشكال، المتحرش والمعتدي هو اللي غلطان، سواء كان تحت تأثير المخدرات أو لا.
المعتدي هو اللي غلطان وهو اللي مجرم، البلاغات هتم بسرية تامة.
ماتخافوش. واحنا على استعداد لتقديم الدعم الكامل لجميع الناجيات.
ما تخافيش وماتسيبيش حقك.
#قدموا_بلاغات
البلاغات سرية
القانون في صفنا
ماتخافيش
هنقدملك كامل الدعم والمحامية الأستاذة مها أبو بكر متطوعة للدفاع عن قضايا التحرش والابتزاز
#محمد_هاشم_متحرش
وكانت ألاء حسانين قد فتحت باب التدوين عن أول مرة تحرش وكتبت عبر صفحتها:
سنة 2019 رحت أول مرة لدار ميريت بدعوة من أحد الأصدقاء، كان وقت معرض الكتاب وعملوا احتفال في ميريت بمناسبة مرور 20 سنة عليها.
تم تقديمي لمعظم الناس هناك واتعرفت على أغلب الموجودين منهم محمد هاشم اللي كان بيتم الاحتفاء بيه بشكل غير معهود.
للمزيد ..
مفاجأة| فرح مصطفى الضحية الأولى لمتحرش الجامعة الأمريكية شخصية “فيك”
رحب بيا وقالي مكانك وفي أي وقت ومن هذا الكلام.
بعدها بيومين عديت على ميريت أجيب كتب. كان فيه في الدار شخص من العاملين فيها بالإضافة إلى هاشم. طبعًا رحب بيا وقالي لازم تشربي حاجة.
قعدنا نتكلم وكانت احدى بناته نايمة في نفس الأوضة اللي قاعدين فيها، قالي تعالي ندخل الأوضة التانية عشان ما نزعجهاش.
أنا طبعا ماخطرش على بالي إن الشخص دا….. قلت تمام ندردش خمس دقايق وبعدين أجيب
الكتب اللي عايزاها وأمشي.
وبدون أي مقدمات هجم عليا محمد هاشم صاحب دار ميريت وبدأ يمسك جسمي ويبوس فيّا بالغصب.
للمزيد ..
التحرش في السينما المصرية… 678 فيلم دق ناقوس الخطر
اتسمرت في مكاني لأن دا تصرف غير متوقع، بالمرة نظرا لأن صورته في بالي كانت كويسة من كلام الاصدقاء المشتركين ولأنه حد عجوز يعني وأنا في سن بنته وكنت بتعامل معاه على هذا الأساس ولأن بينا اصدقاء مشتركين كتير ولأن بنته اللي أنا أصغر منها نايمة في الأوضة المجاورة !!
حاولت أبعده عني لكنه فضل يقولي استني شوية واستمر!! وطبعا ردود أفعالي
كانت بطيئة بحكم الصدمة لكني في النهاية بعدته عني وقمت ومشيت من المكان
وما رجعتش تاني. واليوم دا كان من اسوأ أيام حياتي على الاطلاق.
لما اشتكيت لأكتر من صديق قالي انك مش أول واحدة تقول كدا والكلام دا سمعته من أكتر
من بنت في الوسط بتقول برضو إن محمد هاشم اتحرش بيها والظاهر انه معروف بالحكاية دي.
محمد هاشم متحرش
أتمنى من كل الستات اللي اتحرش بيهم يكتبوا تجاربهم وأتمنى من زميلاتي في الوسط اللي تعرضوا للتحرش من مدعي الوسط الخرائي يفضحوا المتحرشين. وكدا كدا ليكم يوم وهتتفضحوا واحد واحد.
اتفضلوا صاحبكم المتحرش.
#محمد_هاشم_متحرش
بدورها ردت ميريت ابنة الناشر محمد هاشم في محاولة لتبرأة والدها من التهمة.
للمزيد..
هاشتاج أول تحرش كان عمري| حكايات مرعبة عن التحرش يرويها أبطالها