رواية بير الوطاويط إشكالية اللفظ الجنسي pdf
للتحميل.. لوكاندة بير الوطاويط pdf مكتبة فرندة
في العصر الفيكتوري انتشرت عادة غريبة ومريبة بين الناس ، لما كان حد بيموت في عائلة ما كانوا يلبسوا المرحوم دا هدوم ويشيكوه ويخلوه قاعد في كامل أناقته ويستدعوا واحد مصور عشان يصور الفقيد شوية صور كنوع من الذكرى..
المهنة دي كان بيطلق عليها مهنة تصوير الموتى
وهي دي مهنة بطل رواية احمد مراد الاخيرة ..
أحداث الرواية بتدور في مصر في منتصف القرن ال١٩ يعني بعد جلاء الحملة الفرنسية من مصر وتولي محمد علي الحكم ومذبحة القلعة وغيرها من الأحداث المهمة في تاريخ مصر في الفترة دي
الأحداث بتبدأ بجريمة قتل تمّت بطريقة بشعة لواحد من أعيان هذه الفترة، أو اللي كان بيطلق عليهم لقب الباشوات، فبيتم استدعاء مصور الموتى وبطل الرواية جابر السيوفي أفندي..
للمزيد..
مكتبة فرندة | بيت القبطية لـ أشرف العشماوي “الجمال الموجع” Pdf
جابر السيوفي بالإضافة انه مصور موتى عنده موهبة ورث جزء منها من والده والجزء التاني قدرات خارصة بيه..
الموهبة دي تتمثل في تقصي الحقائق من جثة المتوفى وبالتالي بيقدر يحدد الطريقة اللي مات بيها ويجمع شوية أدلة ويربط الخيوط ببعضها عشان يقدر يوصل في النهاية لطبيعة القاتل لو كانت جريمة قتل..
للمزيد..
وعشان كدا بيتم الاستعانة بيه عشان يعرف ملابسات جريمة القتل دي والوصول للقاتل
لكنه سرعان ما بيكتشف انها مش مجرد حادثة قتل فردية لكنها الجريمة الأولي ضمن سلسلة جرايم قتل هتستمر عشان تحصد رقاب عدد من المقربين من أفندينا الحاكم.
دي كل التفاصيل اللي اقدر اقولها منعا لحرق الأحداث ودلوقتي خلونا نقسم المراجعة ل ٣ عناصر
إيجابيات/ سلبيات/ تقييمي الشخصي
ايجابيات
١/ من مميزات أحمد مراد انه بيقدر بيتعمق داخل تفاصيل شخصيات أبطال رواياته لدرجة يحسسك أحيانا انه بيتكلم عن نفسه
فمثلا لو نفتكر مع بعض يحيي بطل رواية الفيل الازرق اللي كان مفروض طبيب نفسي ساب مهنة الطب بعد حادثة اتعرض ليها والحياة فضلت تخبط فيه خمس سنين.
للمزيد..
تريند المغتصب أحمد شوكت |لماذا تغيرت أخلاق المجتمع؟!
هنلاقي ان احمد مراد بيحكي عن يحيي بطل روايته ومدى التخبط اللي عاش فيه من شري الخمر ولعب القمار، وعن تفاصيل الأمراض النفسية لبعض الحالات في الرواية بشكل مفصل ودقيق يؤكدلك ان احمد مراد عمل بحث محترم عشان يوصل للنتيجة اللي وصلها في الرواية دي
ونفس الكلام في رواية تراب الماس بطل الرواية كان صيدلي
فلما جه مشهد بيستدعي تحضيره لمواد مخدرة او مميتة بدا يحكي عن تركيبة المواد دي كانه معيد ف قسم الفارما وعارف تركيب وتأثير كل مادة والمقدار اللي مفروض تنضاف بيه.
نفس الحوار حصل هنا
رغم ان مهنة بطل الرواية هنا غريبة شوية ويمكن اول مرة نسمع عنها وهي مصور الموتى لكنه قدر يرسم صورة كاملة لملامح الشخصية بطبيعتها الغريبة وتصرفاتها العجيبة، وتفاصيل حياته اليومية وتصرفاته وعلاقاته المتعددة
اللي عايز اقوله ان احمد مراد مش بيبخل على نفسه في البحث عن كل تفصيلة كبيرة او صغيرة تخص شخصية من شخصيات رواياته.
٢/ احمد مراد لما بيحكي عن فترة زمنية معينة بينسي العالم اللي حواليه ويعيش يف الفترة دي بكل أجواءها زي ما شفنا مثلا في رواية ١٩١٩ اللي هتتحول لفيلم كمان شهور..
كمان هنا بما ان الرواية واخدة طابع تاريخي نظرا للفترة الزمنية اللي بتدور فيها الأحداث
فأحمد مراد راعى كل التفاصيل الخاصة بالمرحلة دي بداية من وصفه للاماكن الطرق الملابس، لغة الحوار بين الشخصيات، وسائل المواصلات، واستعمال الالفاظ اللي كانت دارجة في الفترة دي..
ودا بيأكد برضو النقطة الاولي ان احمد مراد مش من النوع اللي بيستسهل في تفاصيل رواياته.
للمزيد..
رسالة دينا أنور الأخيرة : وداعاً يا مرضى النفوس!
سلبيات رواية بير الوطاويط
١/ الاحداث بمجرد ما بدأت بجريمة القتل وعرفنا ان هيحصل بعدها سلسلة جرايم بنفس الشكل، عنصر التشويق يكاد يكون اختفى لحد قرب نهاية الرواية ودا شيء غير منتظر أبدا من أحمد مراد ولا من رواية بوليسية
يعني رتم الاحداث من بعد أول جريمة قتل لحد قبل النهاية بحوالي ١٥ صفحة شبه ثابت مفيش تصاعد في منحنى الاحداث..
طب دا حصل ليه
لأن الناس اللي هتتقتل كل شوية دي انا كقارئء معرفش عنهم حاجة لانهم مش شخصيات رئيسية في الرواية، وبالتالي موتهم مش هيسببلي اي صدمات، وكل المعلومات اللي بعرفها عنهم من خلال الفلاش باك اللي بيحصل بعد مقتل كل شخصية.
ومع ذا فأنا عارف ان طريقة السرد هيا اللي أجبرته على النقطة نظرا ان الأحداث بتُحكى من خلال مذكرات شخصية، لكن حتى نهاية الرواية كانت تقليدية جدا ومش مبهرة.
للمزيد..
كيف انهزم الأصل وانتصر الظل؟ الباقي من الزمن ساعة لـ نجيب محفوظ Pdf
المشاهد الجنسية
الرواية كان فيها مشاهد كتير جنسية بوصف وتفاصيل وألفاظ حميمية جدا وفي رأيي زادت عن حدها..
كل دي الفاظ انا شايف لو كان قلل منها او استبدلها بالفاظ تانية مش هيحصل مشكلة ولا هيؤثر ع الشكل العام الرواية، بالإضافة لبعض الألفاظ الجنسية الصريحة..
فإجمالا الرواية دي لم تخلو من كام مشهد ولفظ جنسي شفت انهم محطوطين بس عشان تكون دي بصمة احمد مراد ف الرواية..
الرأي الشخصي والتقييم
الرواية متوسطة المستوى ليست أفضل اعماله ولا أسوأها وتقييمي الشخصي ليها ٦ /١٠
يوسف النجار