التحقيق مع هشام علام| صحفية مصرية تطالب بفتح تحقيق حول وقائع تحرشه الجنسي

التحقيق مع هشام علام| صحفية مصرية تطالب بفتح تحقيق حول وقائع تحرشه الجنسي

التحقيق مع هشام علام

طالبت الصحافية المصرية منى سليم بالتحقيق مع الصحافي الاستقصائي هشام علام.

وقالت عبر صفحتها الرسمية على موقع التواصل الاجتماعي فيس بوك:

 

مساء الخير على الجميع عدا المغتصب مدعي الشرف والمهنية #هشام_علام ومن مثله (يلا روح اجري قدم فيا بلاغ)
انا بكتب رسالتي دي مش تحت تأثير الغضب ولكن تحت تأثير التحدي

من اول ما بدأت حملات نشر شهادات التحرش داخل وخارج مصر وانا منحازة للرأي اللي بيشوف ان الاتهامات تفضل اتهامات، والهاشتاجات تقتصر ع وصف المطالبة بالتحقيق، وضرورة النضال حتى توصل الوقائع للقضا وان دور المجموعات الناشطة مقاومة كل الظروف اللى بتعيق ده من بداية تقديم الشكوى وحتى صدور الاحكام

ولسه باشوف ان ده الطريق الصح مش بس لمنع احتمال تشويه برىء بيتم تصفيته حسابات سياسية او شخصية معاه ولكن لأن العقاب الحقيقي للمجرم هو السجن والادانة مش بس الفضح

للمزيد..

بنتين وراء القبض على محمد هاشم صاحب دار ميريت للنشر بتهمة التحرش (صور)

نيجي بقى للي كان زميل.. اول ما ظهرت شهادة ضده كان اول تصرف مني اني بعت له اسأله هاتكتب رد بما ان واضح انك المقصود وقال “اه”.. وقررت هاستنى رده وبعد كده اعلق .. وحتى بعد رده وكانت ظهرت الشهادة التانية ع نفس المدونة والشهادة التالتة ع شكل (سكرين شوت) ماستخدمتش لفظ مغتصب ولا ادانت في كتابتي وطالبت بالتحقيق وقلت دي اتهامات تتصف بالجدية ولازم تحقيق صحفي ونقابي وقضائي لاننا قدام حل من اتنين اما مجرم سادي او قاتل/ة بالتشويه .. وربطت بين اكتر من نقطة بالنسبة لي بتزود منطقية الاتهام وبتدي انطباع عن اسلوب متبع وطبيعة نفسية غير سوية

و ع مدار يومين كنت ضمن حالة نسوية صحفية بتدور ورا القصة وبتصيغ موقف جماعي، وتوالت الشهادات ع تويتر وفيس بوك غير اللى اتنشر ع المدونة (واكتشفنا دلوقتي انه مش حقيقي) .. لكن اللي اقدر اقوله بضمير مرتاح وثقة تامة.. اننا كمجموعة بقينا ع علم واتصال بالناجية الاولى والثانية (اصحاب الشهادات ع المدونة) ده غير أصحاب المحادثات المنشورة وغير المنشورة من مصر و لبنان وتونس

و ع مدار اليومين وانا مصممة ع موقفي ان الناجيات رغم كل الضغط النفسي اللى متفهماه والمخاوف ..فعليهن مسئولية تقديم بلاغ و تشجيع من تواصل معهن ع ذلك بل والاصرار عليه قبل النشر .. و إن علينا احنا توفير كل الضمانات واهمها تفعيل دور النقابة المبتلاة بمجلس بائس مذري ..
..
كل ده كان قبل الساعة الاخيرة ..وبما انك يا مدعي الشرف والمهنية قررت تحت تأثير نرجسيتك التافهة تحاول تقلب المشهد وتدعي براءة ويمكن بعد شوية تدعي بطولة ..فانا وغيري كتير هنكتب ومش هنخاف وهنأكد وبثقة لكل اللى متابعنا ان الشهادات اغلبها حقيقية ولزميلات نعرفهم بشكل شخصي … وانك فعلا مغتصب وانك مش هتعدي .. ولو كان في احتمال قبل ساعة من دلوقتي انك بس تتفضح فالتحدي معاك دلوقتي انك ع الاقل هتروح التحقيق وان شاءالله ربك يكرمك كمان بالسجن لأن الى زيك ما ينفعش يتساب “مطلوق” ع بنات الناس
..
ملحوظة: انا مشفقة جدا ع الزميلتين اللي عملوا معاك التحقيق لما يكتشفوا الحقيقة.. ربنا يعينهم ع اللى جاي.

للمزيد..

سيدة تسجل شهادتها عن تحرش استاذ جامعي بها

صفحتنا الرسمية فرندة – Farandh

للمتابعة والمزيد عن حكاية تحرش هشام علام:

هشام علام .. الضحية الرابعة سورية: حط ايدو على خصري من ورا !!

هشام علام متحرش |الشهادة الخامسة لصحفية سورية: دفعني على السرير

اتهام ثالث لـ الصحفي هشام علام .. طالبة جامعية| سألني: ليكي تجارب جنسية؟!

هشام علام يرد على واقعة اغتصابه صحيفة وممارسة السادية الجنسية معها

التحقيق مع هشام علام
التحقيق مع هشام علام

شارك المقالة