دعوة للأمل.. أوعى تحس أنك لوحدك| صوت ساره هاشم

دعوة للأمل.. أوعى تحس أنك لوحدك| صوت ساره هاشم

دعوة للأمل ..

الإنسان العطوف
الطيب اللي بيعرف يقول “متزعلش” و”خلي بالك على نفسك” .. اللي بيمسح على

كتفك وراسك وأما يشوفك بتعيط ياخدك في حضنه ويواسيك .. اللي دايمًا يقولك

في ايه مالك .. احكي براحة بس اللي مش بيجلدك بأخطائك أو يساومك بفضفضتك
اللي ما بتحسبش كلامك و لا بتحبس انفعالاتك و انت معاه

الناس اللي بيصمموا ياخدوك من وحدتك و ما بيملوش من المحاولة
بجد نعمة من ربنا , مش أي حد عنده القدرة دي .. في ناس عندهم جمود تجاه

الآخرين حتى لو  متأثرين من جواهم .. مبيعرفوش يهوِّنوا .. مبيعرفوش يطبطبوا

او يسمعوا .. مبيعرفوش يخترقوا الجبل والهم اللي فوق الروح ويخلوك تحكي وتتكلم 

العواطف صعب تُكتسب .. الرحمة والمودة مبيتمثلوش .. دي متلازمة في الانسان بتكبر معاه زي صوته

وشكله ولونه , دوروا على ناس حنينة من جواها .. ناس شبهكم ..ناس تخفف عنكم
دول رزق في الدنيا  .. وخير القلوب أحنّها 

 

دعوة للأمل .. ساره هاشم

للمزيد ..

ازاي تتذوق لمراتك؟ ولهن مثل الذي عليهن | بقلم جهاد التابعي

صفحتنا الرسمية فرندة – Farandh

 

شارك المقالة