مسلسل أحمس والفنان عمرو يوسف.. اختيار غير موفق
أعلنت شركة سينرجي عن عمل مسلسل تاريخي عن رواية كفاح طيب للأديب نجيب محفوظ.
للمزيد..
نجيب محفوظ ..نبيا رسالته التشاؤم!
واختارت الفنان عمرو يوسف لتجسيد دور الملك أحمس .
ومنذ طرح الخبر وتداول نشطاء السوشيال ميديا العمل بالهجوم بدء من اختيار عمرو يوسف وانتهاء ببانر المسلسل.
أولا قال النشطاء أن لوجو المسلسل حمل وجه تحتمس الثالث وليس وجه الملك أحمس !!.
وقالت الناقدة الفنية شروق الشناوي على صفحتها على موقع التواصل الاجتماعي فيس بوك:
لكن المحزن بقي هو فن اختيار الممثل وشوية المعرفة والثقافة اللي المفروض تتواجد في القائمين علي الاعمال من النوع ده و يخليك تقف وتتسائل هو الاختيار ده بيتم بناء علي ايه اصلا ؟ بالتأكيد مش علي الشخصية لان اللي اختار الشخصية لو كلف نفسه شوية وقرا عن الشخصية اللي هيعملها مسلسل ويصرف عليه ملايين هيعرف ان اختياره ملهوش اي علاقة بيها لا من بعيد ولا من قريب …. يعني رايح تعمل مسلسل عن شخصية تاريخية وانت اصلا مش عارف حاجة عنها طيب اصدقك ازاي واحس انك فاهم بتتكلم علي ايه وازاي استني المسلسل بشغف زي مالمفروض يحصل.. انتوا ليه بتبوظوا كل حاجة حلوة !!
عمرو يوسف مع احترامي ليه ابعد ما يكون عن شخصية احمس سناً وشكلا احمس لما تولي الحكم سنة ١٥٥٠ ق.م كان عمره عشر سنين وبيمر بفترة مهمة جدا في تاريخ طيبة وهي وصاية ” اعح حتب ” امه وسيطرتها عليه
واهم فترة عاشها احمس كانت في السن من ١٨ ل ٢٥ دي اهم فترات حياته كلها اللي هتحصل فيها اغلب احداث حياته المهمة وهو اصلا هيموت وعمره ٣٥ سنة ” مش ٤٠ زي ما جه في بعض المصادر ” يعني هتجسد اخر سنة في حياته ولا ايه مش فاهمين .. فبذمتك ودينك يعني عمرو يوسف يدي ١٨ سنة من وجهة نظرك .. !
للمزيد..
الفيلم التلفزيوني| كيف راهنت الفكرة على التفاف الأسرة المصرية ؟
طبعا هيطلع واحد يقولنا كل ده مش مهم وان ده كلام فارغ ويتفه كل الاخطاء دي ..
نيجي بقي للمهم هو احمس كان شكله ايه ؟ يعني في وجهة نظر اصحاب الاختيارات دي المصريين شكلهم ايه وبينتموا لانهي عرق بالظبط من وجهة نظرهم ؟ تفتكر مصر ليه اطلقوا عليها إسم كيمت ؟ هل يعني ثقافتك الواسعة وحسن اطلاعك وجهوك لان اهل طيبة كانوا شقر بعنين زرقا وشعر اصفر وهيئة بلطمية !! انت عاوز تقول ايه انت فاهم انت بتتكلم عن ايه اصلا الموضوع يتخطي مجرد شكل وسوء اختيار لكن انت مش فاهم انت بتتكلم عن ايه انت مش عارف انت مين ولا اصولك ايه ولا بتتبع انهي عرق ولا بتتكلم عن انهي حقبة انت مش عارف انت شكل جدودك الاصلي ايه ولا ايه هويتك ومعندكش تصور ليها او قاصد تطمسها رغم وضوحها !
عامة في ٩ يونيو ١٨٨٦ اكتشف جاستون ماسبيرو في خبيئة الدير البحري مومياء احمس الاول قاهر الهكسوس اللي جه وصفه الدقيق لشكل الملك كالأتي
” وُجِدت بين الموميات التي عُثِر عليها في خبيئة الدير البحري، أنها لرجل قوي الجسم قصير القامة، طوله ١٦٣ سم ،، أسود الشعر مجعده ، له ثنايا بارزة غير متناسقة مع وجه صغير نسبيا جدا لا يتناسب مع حجم المنكبين “
وشكله ده خلي المؤرخين يفسروا حاجات كتير جدا في حياة احمس منها الالقاب الكتير اللي اخدها في حياته
هل ده شكل يتناسب مع اختيارك اللي مش بيدل ابدا علي انك بتختار اللي يناسب الشخصية لكن الاختيارات بتتم علي اساسات تانية احنا مش عارفينها و انك ولا يهمك تدرس وتبحث وتدور ورا تاريخ حقيقي علشان تجسده وتطلع عمل متكامل بجد .. لو مش عارف ابسط الحاجات عن الشخصية اللي هتحولها مسلسل هتعملها ازاي !
للمزيد..
فيلم العار |أخطر حوار مقنع في السينما المصرية.. تمن الحق كام؟!
صفحتنا الرسمية فرندة – Farandh