عقود الأرواح .. الاتفاق المسبق وأين كانت الأرواح قبل الجسد؟!
أنا كنت آيه وفين قبل ما أتولد؟ وآيه الي جابني هنا ؟

في عالم الغيب كنا أرواحا، والأرواح لا تموت ولكن تبقى أبد الدهر فالروح طاقة والطاقة لا تفنى والروح خالدة بخلود خالقها سبحانه وتعالى، وما الموت إلا انتقال من حياة لحياة أخرى.

للمزيد…

مسلسل نصيبي وقسمتك |الفن في رحاب البارانورمال!! (604 ولعبة الرقم الطاقي)

ما هي صفات الروح؟
الروح لديها معلومات إويثبت ذلك التجربة الأرضية ( الحياة هنا علي كوكب الأرض) فالروح تملك “داتا”.

ما سبب نزول الروح للارض ؟

للتطور والتطوير.. وأن تجرب جميع المشاعر  وتنشر رسالتك في الارض وتتواصل مع الخالق

وهنا نفهم يعني آيه عقود الارواح أو الاتفاق المسبق؟
عارف لما بتحمل لعبة وتختار الشخصية الي هتلعب بيها وتختار اللبس وذكر ولا انثي وتختار المكان الي هتنزل فيه وتختار الأسلحة الي هتساعد الشخصية وتختار عيوبه هو دا بالظبط الي عملناه.

انت اخترت الدور الي هتلعبه و الشخصية والجنس والجنسية والمميزات والعيوب واخترت الناس الي تساعدك أولا بأنها تفكرك بحقيقتك انك مش جسمك ولا افكارك ولا مشاعرك انت الروح النقية النورانية الطاقية الخالدة مهما تشوهت عندك المفاهيم والدنيا تاهت ومش عارف انت رايح فين وجاي منين افتكر ان جواك مرشد داخلي بيكلمك بس صوته هادي الي بيتحكم في افكاره هو الي بيقدر يسمع الصوت دا.

واخترت كمان الناس الي تساعدك (عائلتك الروحية) كل واحد فينا اختار انه يكون ليه عيلتين العيلة المادية الي اختار انه يتولد فيها ودي من اهم اختباراته لانهم اكبر انعكاسات لعيوبنا عشان كدا اغلبنا كنا مش طايقين اهلنا لحد ما عرفنا انهم مرآه لعيوب جوانا وهما بيساعدونا، وده اسمه عقود الأرواح.

للمزيد..

سلسلة الصلاة النارية |عددها وسر قوة تأثيرها لسعة الأرزاق وفك الأسحار

وامتى هتعرف علي عيلتي الروحية؟
بعد ما بتستيقظ وتتعلم وتنوي انك تتغير وتتطور بتبدأ تتعرف علي فرد فرد من عيلتك الروحية ناس بتحبها لله في لله كدا. تحس انك تعرفه من زمان (يمكن لانكم اخترتوا بعض وانتوا ارواح!) بيبقي زي اخوك واكتر وزي اختك واكتر والفكرة انك بتتعرف عليه و بيجي في الوقت المناسب لما انت تكون مستعد. مش عليك غير انك تتطور وتشتغل علي نفسك وتسأل ربنا انه يعرفك عليهم..

ومش بس اخترت الناس الي تساعدك بمحبة لا انت كمان اخترت الناس والمواقف الي تساعدك بشدة في حالة لو نسيت حقيقتك ((ودا شرط من شروط اللعبة النسيااان)) ومفهمتش الرسالة بحب وبسرعة. عموما في كلا الحالتين هتتطور يعني هتتطور. عافية زوق هتتطور. خد نفس عميق وتعالي.

الشركة الي نصبت عليك كانت باتفاق منك
زوجك الي بيهينك ويذلك ويحتقرك باتفاق منك
اهلك الي بيجبروك ويتحكموا فيك باتفاق منك
الناس الي بتشتكيلك وتبتزك عاطفيا باتفاق منك
الناس الي بتتطفل عليك وتدخل في خصوصياتك
اتفقت معاهم انه يساعدوك عشان تتعلم 👇

متخليش حد يضحك عليك
تقدر وتحترم وتكتفي بنفسك وتتعامل بحزم وشدة
تعطي حرية للاخرين وتتقبل كل واحد حسب مرحلة وعيه
متتدخلش في حياة حد بغيبة ونميمة او سوء ظن او فضح او محاسبه الآخرين او بكلام سلبي او سخرية.

شوفت الحياة بدأت تحلو ازاي.. شايف الابتسامة المرسومة علي وشك من عندي. فكله بيحصل لمصلحتنا بس احنا بننسي وفاكرين الكون واقف ضدنا والحياة جاية علينا…
وهي ولا رايحة ولا جاية احنا الي نسنينا اصلنا الحقيقي …
ونسينا انها لعبه روحية ..

طيب دا الاتفاق الي قبل ما ننزل.
ايه الي خلاني اخوض التجربة دي؟
عشان
1- تحس المشاعر : انت كروح عندك المعلومات ان التجربة الأرضية دي تجربة مشاعر الي بينجح فيها هو الي بيجرب كل المشاعر (الضدين) باستمتاع وتقبل تام. فأنت حابب انك تجرب كل المشاعر.

ايه الشعور الي هحسه لما احقق هدفي ولما امرض ولما احب ولما انفصل ولما انفعل علي حد ولما ينتقل حد عزيز للحياة الاخري

غلطنا لما صنفنا المشاعر وقررنا بس نحس المشاعر الحلوة السعادة والحب والأمان والحرية والتسامح وأنكرنا ورفضنا ومش عاوزين نحس المشاعر الي طاقتها منخفضة زي الغضب والحقد والكره والخوف والألم والتردد. والحل؟

استمتع بالمشاعر الحلوة واشكر ربنا عليها عشان تزيد ولما تعدي علي المشاعر التانية اتقبلها وافهم الرسالة من المشاعر دي. هو الغضب عاوز يعلمني ايه؟ هو الألم “وهو افضل معلم” عاوز يعلمني ايه؟ كل ما زاد تقبلك كل ما زاد تطورك.

للمزيد..

هل التسبيح يرد القدر؟ | “فلولا إن كان المسبحين للبث في بطنه إلى يوم يبعثون”

 التطور في التقبل يفسر عقود الأرواح

يبقي حلاوة التجربة الأرضية في انك تحس كل المشاعر الي حلوة علي قلبك والي تقيله شويه لان كل ما هترفض الشعور ومش عاوز تحسه فتكبته جواك هيتحول لمرض لانه لازم يفرغ عن نفسه فيا اما تفرغه برادتك يا هيتفرغ غصب عنك.

تقبل الخوف وافهم رسالته واسعي نحو الحب والأمان
تقبل الغضب وافهم رسالته واسعي نحو الهدوء والروقان
تقبل الفقر وافهم رسالته واسعي نحو الوفرة والثراء
تقبل المرض وافهم رسالته واسعي نحو الصحة

 لحد ما توصل لمرحلة انك تبقي اكبر من الازدواجية
مش هتقول دا موقف ايجابي ودا سلبي الاتنين بيعلموك
هتشوف الخير مبطن في كل حاجة في الفقر والغني في الصحة والمرض في السعادة والحزن شايف الخير لان بقي عندك يقين ان كل حاجة بتحصل في الكون للصالح العام وتطور الإنسانية

2- تطور من عيوبك : وانت روح اخترت عيوبك ومميزاتك (افتكر شكلك وانت بتحمل اللعبة وبتختار كل الصفات)
انا هختار اني بتردد واكون تابع مش مستقل بذاتي وبتعصب ومش بتحكم في شهوتي ومش بعرف اعمل فلوس فهنزل الارض عشان احس الاحاسيس دي واستمتع بتجربة تغييرها
وابقي واثق من نفسي وشجاع ومستقل وهادي ورايق وبتحكم في شهوتي وابقي غني

فلما يجي موقف وانت تتعصب دا جاي عشان يعلمك تبقي هادي ومتحكم في اعصابك وتتعلم متخليش حد يعرف يعصبك. ولما تكون في شغلانه مرتبها قليل مش عشان تفضل كدا طول عمرك لأ دا عشان تتعلم انك تطور من نفسك وتبقي غني فكدا انت اختربت وجربت الاتنين الفقر وتستمتع ببناء الغني.

لما تشوف بنت حلوة في الشارع ومتعرفش تتحكم في نفسك دا موقف عشان يعرفك انك عاوز تشتغل علي التحكم في الشهوة وتبقي متحكم في مشاعرك وراسي كدا.

لكن الي مش فاهم الكلام دا يرمي اللوم عليها ويبرر التحرش بدل ما ياخد الموقف ويتعلم منه. اسأل نفسك يا تري ايه هي العيوب الي انا اخترت اطورها وانا روح؟ وايه المميزات الي في هتساعدني في نشر رسالتي صوتي حلو.
بعرف اعبر عن الي جوايا بطريقة سلسة بعرف اضحك الناس

3- تنشر رسالتك في الأرض من مهام عقود الأرواح : بعد ما تفهم وتحب نفسك وتبقي حقيقي وصادق هتعرف انت عاوز ايه وايه الي تقدر تقدمه للبشرية عشان كلنا نتطور
مش لازم حاجة واو ممكن نشرك للسعادة والضحك والتفاؤل ممكن بوظيفتك او مشروعك الخاص المهم انك تكون بتعمل الحاجة الي بتحبها ومقتنع بيها لأنها حياتك انت مش حياتهم

4- للتواصل مع الخالق طرق كثيرة بعدد أنفاس البشر المهم تستشعر وجوده وقربه وحبه ليك طول الوقت ربنا بيحبك سواء انت فاكره او ناسيه سواء مؤمن بيه او لا ايا كان دينك ايا كان جنسك ايا كانت جنسيتك ايا كان الذنب الي انت عملته هو بيحبك علطول هو سندك وضهرك وفي اي وقت بتحتاجه هو موجود وبيبعتلك الي يساعدك وياخد بايدك بس انت خليك واثق وعندك يقين في كدا ومهم انك لو مش بتحس بيه بالطريقة الي اتربيت عليها جرب طريقة جديدة
لو متعود انك لازم تتبهدل عشان يستجيبلك جرب حاجة جديدة. زي التأمل مثلاً لان كل واحد فينا ليه طريقه وتجربته..

أخيراً خذ من البوست ما يخدمك في تجربتك الأرضية وتراه صحيح ، وابحث وتسائل عن الجزئية الغير مفهومة لك، واترك ما تراه خطأ
كلنا نجتهد ونبحث ونفكر ولا أحد يملك الحقيقية المطلقة..
وللحديث بقية في الجزء الثاني 🌹
#عقود_الارواح
#الاتفاق_المسبق

للمزيد…

الصور الشخصية وطاقة الحسد هل حقا هناك اختراق وعي يسبب الحسد؟ |بارانورمال فرندة

صفحتنا الرسمية فرندة – Farandh