شيماء ربيع تكتب ل مكتبة فرندة.. لما تكون مخنوق
لما تكون مخنوق حاول تطلع من اللي انت فيه بأي طريقه
أخرج علشان تغير مودك
اتكلم مع أصحابك علشان تفك شويه من الخنقة
ابتسم هتخرج من اللي انت فيه
تفاؤل رغم خنقتك وضيقتك هتلاقي الفرج مستنايك وبيدور عليك
أنسي همومك وعيش لانك كده كده عايش عايش يبقي تنسي همومك علشان همومك تنساك
أقلم نفسك علي اي وضع عايش فيه بس حاول تتبسط وتعيش
أختار بجد الناس الصح اللي تقف معاك في شدتك مش تتفرج عليك وتضحك عليك وانت مش حاسس وفاكرهم قلبهم عليك
عدوك وحبيبك بيظهر وقت شدتك
في ازمتك وضيقتك بيبان العدو من الحبيب
اوعا تزعل من الازمات وتتضايق!
بالعكس افرح وانت في عز أزمتك لانك اكتشفت الناس علي حقيقتهم
ناس كنت ممكن تكون مخدوع فيهم وفاكرهم أصدقائك وحبايبك بجد وهما أعداءك ويتمنولك الضرر وانت ولا كنت حاسس بس الازمة والشده كشفت حقيقتهم
وناس تانيه ما كنتش حتي واخاد بالك منهم وهما مش قريبين منك بس وقت شدتك كانوا جنبك وفي محنتك معاك
أفرح أنك وقعت في ضيقة !
علشان الضيقة دي عرفتك مين جنبك ومعاك
ومين انت حتي مش علي باله وما تفرقش معاه
ابتلاء يعني ربنا راضي عنك وبيقولك انا فاكراك
ربنا أذا أحب عبده أبتلاه
بعد الضيق فرج وبعد الحزن فرح ..تفائلوا بالخير تجدوه
حب وأفرح وعيش الحياة كده زي ما هي (بحلوها وبمرها بصدق ناسها وبكدبهم ما انت كده كده عايش عايش
اعمل نفسك مصدق الناس الكدابة واعمل نفسك مأمن للناس الخيانة الغدارة وخد حذرك في كل شئ ما هي أسمها دنيا ليه لانها ما لهاش أمان ودنيا فانيه وغدارة).
للمزيد ..
بيت القبطية لـ أشرف العشماوي | حَاكموا هدى لأنها أرادت الحياة pdf
صفحتنا الرسمية فرندة – farandh
