علقت وفاء صلاح الدين مرشحة تعدد الزوجات على الحملة المنتشرة بخصوص منع التعدد، والحملة المضادة بنشر التعدد التي أطلقتها دعاء عبد السلام.
وقالت عبر صفحتها الرسمية على موقع التواصل الاجتماعي فيس بوك :
لا يمكننى منع شئ حلله الله ✋
ولكن فى ظروف معينه لا يجب على الرجل
الزواج مره اخرى
خلينا متفقين أن الرجل بطبيعته عينه زايغه 👌
ف لكل زوجه الان تقرء كلامى
لو عاوزه زوجك ميبصش بره اتلونى بالاربعه
لان كده كده ربنا خلق طبيعتهم كده
والزوجه الذكيه اللى تبقي لزوجها على كل لون
عشان تكسبيه 👌👌👌
والرجاله اللى عاجبها موضوع التعدد روح يااستاذ اقرء القرءان وكمل الايه كويس 👌
ربنا حلل التعدد فى حالات معينه ✋
ورسالتى ل كل إمرأه أرمله أو مطلقه
عارفه ياحبيبتى ♥️ أن نظره المجتمع قاسيه عليكى ومش هنقدر نغير المجتمع كله
بس نقدر نسعى عشان نحميكى كمطلقه او ارمله انك تتمتعى بكل حقوقك
ومن حقك أنك تبدءى حياه تانيه وتعيشى بسعاده مع راجل يصونك وطبعا وقتها هو هو نفس المجتمع اللى مش هيقبل انك تتزوجى من رجل لم يسبق له الزواج فهضطرى انك تتزوجى من رجل تزوج من قبل
وانتى ونصيبك يكون ارمل أو مطلق
بس اوصيكى واستحلفك بالله اوعى تخربى بيت تانى عشان تبنى بيتك ومش تقهرى قلب زوجه عشان انتى تعيشي بسعاده
لان صدقينى الحياه كما تدين تدان ولو بعد حين ومش هقدر اقولك أن كده حرام او غلط
بس حاولى أنها تكون اخر القرارات فى حاله انكوا مضطرين ل دا
غير كده اوعى ربنا ما يكتب علينا قهره القلب.
يأتي هذا في الوقت الذي انتشر فيه هاشتاج “تعدد الزوجات”، هناك رجال يرفضون فكرة الزواج من الأساس، رغم أنهم يعلمون جيدًا أنها شريعة سماوية في كل الأديان لا مفر منها ولكن مع تطور الظروف وارتفاع سن الزواج بطريقة ملفتة للنظر بين الذكور والإناث وصعوبة الحياة أصبح لديهم رغبة في العزوف عن الزواج لأنهم لم يقابلوا شريك العمر المناسب حتى الآن رغم تجاوز أعمارهم الـ40 عامًا.
دعاء عبد السلام: اللي عندها استطاعة تاخد راجل متجوز وتقدر تصرف عليه تعمل دا مش عيب
وكانت دعاء عبد السلام قد أثارت الجدل بتصريحاتها بسبب دعمها لفكرة الزوجة الثانية لحل مشكلة العنوسة أو التأخر في الزواج التي يواجهها المجتمع المصري.
ودافعت “دعاء عبد السلام” عن فكرة الزواج بزوجة ثانية قائلة:”موضوع التعدد في الزوجات له بُعد مهم سواء نفسي أو أخلاقي أو مجتمعي .. وسن التأخر في الزواج للرجل أو المرأة بقا كتير في المجتمع والطلاق كتير ،يجب أن يكون هناك صحوة مجتمعية حتى لا تتفاقم هذه الأزمة .. ولازم دا يكون إسلوب حياتنا”.واستكملت “دعاء عبد السلام” حديثها قائلة :” سيكولوچية الست المصرية لازم يتعملها تحديث .. أنا كست أغيير على زوجي لإنه إرتبط لكن دا مينفيش حقه من الزواج بأخرى حتى لو مش مقتدر مادياً”.
وأضافت “دعاء” ممزحة :”أي الفكرة من إن الزوجة الأولى تعرف إن زوجها متزوج عليها هتدعيلهم مثلاً دعاء الزواج ولا هتقدم لهم تهنئة” ، وتابعت: “يمكن زوجك علاقته تتحسن بيكي لما يتزوج لإنه عارف إنه مخبي عليكي حاجة”.وتوجه الإعلامي “طاهر” بالسؤال لها عن هل هي كزوجة هتقبل أن زوجها يتزوج من أخرى أم لا ؟ ، فأجابت: “أنا معنديش أي مشكلة إنه يتجوز”.
وناشدت “دعاء” الجمهور قائلة: “يا جماعة اتجوزوا اللي عندها استطاعة تاخد راجل متجوز وعندها مقدرة تصرف عليه تعمل دا .. مش عيب ولا حرام”.وأضافت:”الراجل لما بيعدد هيحصل عنده إشباع في كثير من النواحي وهيكون شخص مقبل على الحياة ولديه طاقة”.
وكانت “دعاء” قد ظهرت في حلقة سابقة لها أوضحت من خلالها بأنها ضد قانون الأحوال الشخصية التي يحرم الزوج من الزواج بأخرى دون إخبار زوجته الأولى ، وطالبت بتعديل هذا القانون.
للمزيد..
لوكاندة بير الوطاويط عرض بقلم مصطفى عبيد pdf | مكتبة فرندة
صفحتنا الرسمية فرندة – Farandh
