حبك شمعة وقلبي فانوس وحوي يا وحوي| أغنية رمضان المنسية

حبك شمعة وقلبي فانوس وحوي يا وحوي| أغنية رمضان المنسية
حبك شمعة وقلبي فانوس وحوي يا وحوي| أغنية رمضان المنسية
أحد أشهر الأغاني الرمضانية التي تذكرنا بشهر رمضان الفضيل، ولكنها سقطت من الحسابات فلم يعد أحد يهتم بإذاعتها كعادة رمضان زمان.
موقع فرندة ينقل لكم أغنية حبك شمعة وقلبى فانوس للراحل محمود شكوكو.
حبك شمعه وقلبى فانوس وبتلعب بيه..وحوي يا وحوي
ياما هواك غرمني فلوس إرحم قلبي.. وحوي يا وحوي
إياحة
من يوم حبك وانا مسكين
كل ما أبعت شوق وحنين
بترجعهملي وتقوللي غيرهملي بقمر الدين
وكل يوم على دي الحالة.. يا للا الغفار
دا قلب ده ولا بقالة.. يا للا الغفار
مهما هواك يديني دروس ما بحرمشي.. وحوي يا وحوي
حبك شمعه وقلبى فانوس وبتلعب بي.. وحوي يا وحوي
إياحة
***
إشمعنى انت اعز حبيب
وانت لجرح القلب طبيب
دا انا ما اساويش عندك يا حبيبي
وقة لوز أو رطل زبيب
وتشوف وتعمل مش شايف.. يا للا الغفار
لا كنافه نافعه ولا قطايف.. يا للا الغفار
يا محيرني قيام وجلوس وملوعني.. وحوي يا وحوي
حبك شمعه وقلبى فانوس بتلسوعني.. وحوي يا وحوي
إياحة
***
أطلب روحي ابعتها قوام
وابعت فوقها كيلو سلام
تطلب ليه الجوز والبندق
ما انتاش عارف الوقه بكام
يا حلو وادينا العادة.. يا للا الغفار
نظرة عيونك بزيادة.. يا للا الغفار
شوف كام سنه وهواك محبوس جوه ف قلبي.. وحوي يا وحوي
حبك شمعه وقلبي فانوس وبتلعب بيه.. وحوي يا وحوي
إياحة
شارك المقالة