قصيدة بدون ذكر مواعيد تأليف وأداء صوتي زينب صفوت |مكتبة فرندة

قصيدة بدون ذكر مواعيد تأليف وأداء صوتي زينب صفوت |مكتبة فرندة

قصيدة بدون ذكر مواعيد تأليف وأداء صوتي زينب صفوت |مكتبة فرندة

بدون ذِكر مواعيد ..  كان يومها عيد
والاطفال كلها فرحانين .. بالعيدية والبلالين
كان وسطهم طِفل حزين .. يَختلف
ماسك وردة وجواب ف إيده اليمين
مكتوب عليها ..
“القُدس عاصمة فلسطين”
وبكدا قصدتى هتكون خلصت
او لسة هتبدأ ..

 

ماهو المغزي أصلا من المبدأ
ف اسمحيلي
ف اسمحيلي عزيزتي فلسطين
أداوي عُودك المكسور
واتأسف لِزيتونك الاخضر
وامسح دموع طِفلك
اسمحيلي اوصفلك
وقلمي يعبر عن جزء من ألمك
اسمحيلي اكتبلك ..
بقلمي المكسور وصوتي المنبوح
واقولك بكل وضوح
إني بشوف فيكي أُمي وعيلتي
بشوف القُدس ف عيون أُختي
كل شارع فيكي يشبه لضحكة أخويا
صوت الاذآن هو هو حضن وحنية أَبويا
فيكي كل شئ وكل شئ فيكي
يا جميلة يا فلسطين
قالولي ان الشعر مش هيفيدك
وعلي إيه يعني توجعي ف إيدك
وأنا إيدي مُصرّة تكتبلك
بترابك اللي من دهب
وللحيطان .. للامان ..لصوت الحرب فيكي
لكل الحب فيكي وف عنيكي
علموني أكون إنسان
وإن العدو صِهيوني جبان
وقالولي ألف مرة إن فلسطين حرة
وإني عشان أعيش لازم احلم
حلمت ..
حلمت بوردة وجواب جولي من غزة
وإني بسمع للمسجد الاقصي
صحيت لأول مرة فرحانه
شوفت يومها العيد
والطفل الحزين أصبح صلاح الدين
أداني جواب بإيده اليمين وقالي:
” إن القُدس هتفضل عاصمة فلسطين”.

للمزيد..

إحسان شحاتة ومحجوب عبد الدايم .. القلب ياما انتظر!! (القاهرة الجديدة pdf وMp3)

صفحتنا الرسمية فرندة – Farandh

قصيدة بدون ذكر مواعيد تأليف وأداء صوتي زينب صفوت |مكتبة فرندة
قصيدة بدون ذكر مواعيد تأليف وأداء صوتي زينب صفوت |مكتبة فرندة
شارك المقالة