التقبل العميق للذات سر ومفتاح حب الذات (التطبيق العملي)
مستحيل حد بيحب نفسه يحكم علي نفسه أو علي الآخرين
لان التقبل عكس الأحكام ، فالاحكام نتيجة ، سببها ان الواحد بيحركه (نظام الخوف) فبيحكم على نفسه أو علي الآخر ، ما يجعلنا نحكم اننا رافضين شئ بداخلنا ، والآخرين ما هم الا (مراية) انعكاس للشئ الي انت رافضه ، فلما تتقبله وهقولك ازاي هتهدي وترتاح 🥀
بيحكم علي الاخر لإنه مختلف عنه فكرياً أو جنسياً أو مادياً أو دينياً وبيرتاح مؤقتاً لما يحكم دا الي ماشي بنظام الخوف
لكن اللي ماشي بنظام الحب بيذاكر حباً في العلم مش خوفاً من الامتحان والسقوط ، بيكون علاقه لإنه حابب يشارك حياته مع شخص آخر مش خوف إنه يكون وحيد وانطوائي ، اه ممكن حد يكون غني بس ماشي بنظام الخوف أولا هيكون قلقان ومتوتر ومش مستمتع باللي معه إن لم يأتي يوم ويفقد اللي معاه ، وممكن يكون حد بسيط مادياً بس ماشي بنظام الحب و بيتطور ويتعلم عن الثراء والوفرة والغني و هيوصل لكل اللي عاوزه 🌱
🔶 في نظامين في الكون الحب والخوف وانت بتختار 🔶
كنت كتبت بوست مفصل عن النظامين دول تقدر تقرأه هتلاقيه في الكومنتات
🔵 يبدأ تقبل الذات بالاعتراف انك انسان فيك النقيضين الخير والشر ، الملاك والشيطان ، النور والظلام ، فالجانب السلبي الي جوانا سببه اننا رافضينه لسه مش معترفين بوجوده لسه مش متقبلينه لسه موجهناش النور ليه ، بالتالي لم نتخلص منه ومستمر في حياتنا زي ظلنا ماشي معانا في كل مكان بنروحه وبيتحكم فينا بلا وعي من خلال انه بيظهر في تعاملاتنا مع الاشخاص في حياتنا و مع الاهل والمجتمع ، فبتكون رساله التعاملات دي انها تنبهك عشان تاخذ بالك من الجزء المظلم جواك فتتقبله وتدرك ان جواك اطهر ملاك واقذر شيطان
🔶 وسر التقبل في التكامل 🔶
🔵 فالشخص الكامل من يحتضن نفسه بدون رفض لأي جزء
سواء بداخله أو في جسمه أو في حياته
🔵 الحب الحقيقي انك تستخدم كل الادوات الي جواك نورها وظلامها في الوقت المناسب ، تعرف امتي تكون لطيف وحنون وامتي تكون قاسي وحاسم ، تكون جاد وملتزم في وقت ومتساهل في وقت اخر تكون قديس وشيخ في وقت و عربيد ووقح في وقت آخر ، ومش بس الطرفين أقصى اليمين أو أقصى اليسار بس لأ وكمان الدرجات الي بينهم في الوقت المناسب
🔹فالتكامل في التوازن بين الاقطاب وبين النقائض 🔹
🔶والذكاء انك تطلع الجزء المناسب في المكان المناسب🔶
⭕فالتطبيق إني أمسك الاحكام الي أطلقها علي الخارج أو علي نفسي واحذف الاحكام دي حكم حكم واتقبل لاني خلاص عرفت ان جوايا كل شئ وعكسه فانت مش وحش ولا انت طيب انت متكامل وبتستخدم كل جزء في المكان والزمان المناسب ومع الاشخاص المناسبين
لما تتصالح معاها وترضي بيها كدا انت تقبلت ذاتك
فيك طاقة ذكورة وانوثه نور وظلام ملاك وشيطان جانب نوراني مستنير وجانب ظلامي
الحرب الي كانت مشتعلة جواك حلها التقبل والتكامل وتقود النقيضين للتناغم وتوجههم لخدمة رسالتك
فاتقبل المشاعر السلبية خوف غضب حقد باني اعرف ان جوايا الاتنين الخوف والأمان التسامح والغضب تمني الخير والحقد فخلاص أدركت ان المهم اتحكم في الأجزاء واتقبلهم لاني انا عبارة عن(كلهم مع بعض) بس انا الي بختار اني اتعامل بأمان لاني فهمت إن الخوف مش هيفيدني واخترت التسامح لاني فهمت إن الغضب مش هيطورني واخترت تمني الخير للجميع علي الحقد لاني فهمت إن كلنا واحد وكلنا هنا عشان نساعد بعض ، فمن هنا ورايح مش هتقاوم الشعور السلبي لانك أدركت انه جزء منك وعاوز يعبر عن نفسه ودا حقه فتراقبه بوعي وتسمحله يتحرر
وتفهم الرسالة الي عاوز يوصلهالك فترتقي اكتر
🔵 لان اصلك الحقيقي هو الهدوء والسكون فلما يجي شعور يحرك البحيرة لما نتقبله ونسمحله يعبر عن نفسه من غير احكام هياخد وقته ويمشي وهترجع البحيرة هادية ومستقرة لحالتها الطبيعية وهقدر افهم رسالة الشعور دا بكل بساطة
ومادام قررت تتقبل ذاتك وبتقرأ البوست دا يبقي تودع الرفض والأحكام والانتقاد واللوم والاجبار والاكراه وجلد الذات من حياتك ، عن طريق اني لما الاقي نفسي بجبر حد علي حاجة اخد بالي واراقب بوعي واتقبل واسامح نفسي ومرة بعد مرة هلاقي نفسك المرة الي بعدها بتنصحه وتقوله انت حر ، فالاجبار هيقل لان التقبل زاد فالعلاقة بينهم عكسية
وهتستمتع بالسلام الداخلي والهدوء والاطمئنان لإن البراكين الي كانت مشتعلة جوا انت اخمدتها لما قررت تكون صادق مع نفسك وتشوفها من غير ما تضحك علي نفسك بتشوفها بكل حيادية وبكل تقبل لانك انسان كامل فيك كل حاجة وعكسها
الحياة خيارات بامكانك اختيار طريق الحب والتقبل والتعاطف والتكامل مع نفسك وتقلل الأحكام واحدة واحدة وكفاية جلد ذات وقسوة وبهدلة والتعامل مع النفس بتحقير
ونتيجة التقبل راحة وهتكون اكتر عطاء و اكتر استمرارية
من خلال تعاملك اللطيف وحبك واحترامك لنفسك
