يعتبر فيلم العار من أجرئ أفلام السينما المصرية في فترة الثمانينيات والعصر الذهبي.
ناقش فيلم العار قضية تجارة المخدرات، والتصنيع المغشوش لها، كما تطرق لقضية بداية ظهور الفن الهابط وموجة كاسيت الميكروباص.
موقع فرندة يرصد الحوار بين الأخين يحيي الفخراني ومحمود عبد العزيز في محاولة ليقنعه بتصنيع مخدر الحشيش وبيعه للجمهور.
للمزيد..
سر عمارة الشربتلي بالزمالك التي بناها الثري السعودي لزوجته المصرية (صور)
وأنت معكش 800 جنيه يا أبو صلاح ؟
لا طبعا أجيبهم منين ؟؟ ده أنا داخل جمعية بـ30جنيه في الشهر عشان ادبر ال300 اللي معايا
يا سلام .. ليه ؟ هي ماهيتك كام ؟
الصافي حوالي 250 جنيه
في اليوم ؟
أنت هتهرج ؟
ماهو أقل من كده يبقا أنت اللي بتهرج يا دكتور
يوووه .. أنت باين عليك رايق ومشرشخ الانارخ
أنت اللي صعبان عليا
صعبان عليك ؟
زنقت روحك في الكيميا وفضلت تدح في ماجيستير ودكتوراه وتهرش نافوخك بيد 2 كب أ 4، ورجل 6 في هـ 18 وآخرتها 250 جنيه في الشهر .. يا مهرج
ولد .. بلاش قلة حياء .. مش عشان عازمني على الغدا
انت عارف المهرج بياخد كام في الليلة الواحدة يا دكتور ؟
المسألة مش مسألة كام فيه اعتبارات أهم من كام يا قفل
هاهاها ، أنا برضه اللي قفل
للمزيد..
الفيلم التلفزيوني| كيف راهنت الفكرة على التفاف الأسرة المصرية ؟
طبعا لأنك بتحاول تعرف سعر كل شئ ، لكن مابتحاولش تعرف قيمة أي شئ
وقيمة الشئ ، ملهاش سعر ؟ ملهاش تمن ؟ فيه قيمة من غير ثمن ؟
القيمة لا تقدر بتمن ، تقدر تقولي تمن الحق كام ؟ أو تمن الخير كام ؟
وهو من الحق أو من الخير ان واحد زيك ، ما يحتكمش على 800 جنيه يدخل بيهم ابنه المدرسة
معاك حق ، أنا فعلا مسرف
مسرف ؟
المفروض اعمل حساب للظروف ، المهم هتشوف لنا واسطة تعفينا من الإنشاءات ولا لأ ؟
اتطمن يا أبو صلاح ، الواد داخل المدرسة يعني داخل المدرسة
إزاي ؟
زي كل العيال ، هديك الـ 800 جنيه، وتروح تدفع له المصاريف
وانت حيلتك 800 جنيه ؟
هه عيب يا أبو صلاح ده احنا كسّيبة ومخلصين وبنطلع القرش من بذر العنب
بذر العنب ؟
آه ، أول ما نشخلل الشخاليل ونشرمق الشواشي ، هتسرسق البصاري وهنشفك دوغري
هتنشفني ؟
أسبجك بالسبيج يعني أحينك ، أقبضك
إيه يا ابني الألفاظ دي ؟
أعملك إيه بقا إذا كنت ما بتعرفش لغة ؟
لغة ؟
طبعا ، ما هي دي لغة العصر يا بتاع الكيميا يا مِترشّح
للمزيد..
مكتبة فرندة | كائنات مهددة بالانقراض للراحل أحمد خالد توفيق
صفحتنا الرسمية فرندة – Farandh
