لعبة العلاقات| قانون الاستحقاق الكوني (هذا لي.. فهذا هو الأفضل)
البعض منا يشعر أحيانا أنه مظلوم ولم يأخذ ما يستحقه في الدنيا، ويرى دائما أن هناك أشخاص سعداء أكثر منه وأنه تعيس.
الاستحقاق
الفكرة دائما في الاستحقاق ولذلك هناك قانون الاستحقاق الكوني فتتذكر أن واقعك الحالي هو استحقاقك !
وأن إقرارك بأن ما أنت فيه حاليا هو الأفضل هو أول خطوة لانتقالك للاحتمال الأفضل.
لذلك هناك نوعين من الاستحقاق : ايجابي وسلبي.
فمن استحقاقه ايجابي فهو مستمتع ورائق البال ويشعر بالهناء، بل وأصبح مغناطيس للأشياء الجميلة التي تأتي إليه من تلقاء نفسها.
أما من استحقاقه سلبي: تسيطر عليه مشاعر الخوف والحزن والمعاناة والعار والتأنيب ويستمد قيمته من كلام الناس من حوله فلو مدحوه يفرح وأن ذموه يضطرب ويجزن.
لا يشعر بقيمة نفسه ولا يرى أنه يستحق السعادة وراحة البال.
حتي لو بيقول بلسانه انه يستحق لكن من جواه عكس كدا ، بيقبل بالإهانة والضرب والتحقير ، بيرفض المدح ويرفض إن حد يشكره او يعطيه فلوس ، يرفض الاستقبال وللاسف اتربينا علي انك متاخدش حاجة من حد ، انتبه إن رفضك للاستقبال سبب رئيسي لمنع الرزق والوفرة تدخل حياتك لأنك قفلت الباب بإيدك
🔵 افتح الباب واسمح للناس تعبر عن حبها وامتنانها ليك سواء بكلمة شكر او مقابل مادي لخدمتك ليهم عشان تحقق قانون التوازن عطاء وأخذ ، استقبل ومتتكسفش
️اوعي تقول انا مستحقش الي بيجرالي او لما تشوف طفل مريض أو بلد فيها حروب تقول يا حرام
ربنا عادل وكل واحد بياخد استحقاقه حتي لو طفل اتولد من ذوي القدرات الخاصة اتأكد انه هو الي اختار التحدي دا ومفيش روح بتختار تحدي إلا وهي عارفه أنها كد التحدي وهتعرف تعديه وتنجح فيه وعارفه كمان المكافأة الي هتاخدها لما تنجح فيه وتخلص تجربتها الأرضية
يبقي بص علي التحديات الي عندك دلوقتي واتأكد إن روحك اختارتهم لأنها عارفه انها هتقدر تعديهم والشطارة انك تعديهم بروقان وراحة بال مش بضغطة أعصاب
🔴 وكل ما يقرب من تحقيق هدف يروح منه او الجوازة تفركش لأنه لسه واقع تحت الاستحقاق السلبي
وبيخاف يفكر يخاف ليطلع غلط ولأنه لو بحث بحياد عشان يوصل للحقيقة ممكن الحقيقة تهدم كل العمارة الي فضل طول عمره يبنيها ، اه صدمة عمرك لما تشوف المباني الي انت بنيتها بتتهد مبني ورا التاني ( فكرة ورا فكرة ومعتقد ورا معتقد ) معلش انا عارف انه احساس مؤلم لأني هدمت كتير ومازلت وسأزال بس صدقني لما تهدم العشوائيات والخرافات الي كنت مقتنع بيها وكنت بتدافع عنها بكل قوتك هتبدأ تبقي هادي وانت بتنتقي الأفكار والفلسفات الجديدة هتبقي محايد معاها وتختبرها ومعندكش مانع تتحرر من الي مش بيخدمك لو اكتشفت في يوم من الأيام انها بتعرقلك ، الأفكار مش عليها جمارك خد الي بيطورك واترك الي بيعرقلك فكر وشغل عقلك ومتخفش ومتبقاش تابع
الي استحقاقه سلبي هو الي بيخاف يفكر
زي ما بتاكل وتشرب وتلبس بنفسك فكر بنفسك
متخليش حد يفكر مكانك ، دي حياتك انت
🟢 طاب ازاي تنتقل من الاستحقاق السلبي للايجابي ؟
🔵 1- تعترف إن الي انت فيه هو الي انت تستحقه
🔵 2- تشتغل علي أفكارك بإنك تشوف ايه الأفكار الي جواك الي جعلت واقعك الحالي كدا وبقيت عايشه
وتتحرر من الأفكار السلبية وتفكر وتشغل عقلك لأنك هتلاقي اغلبها متوارث وعليه طابع مقدس فخوفوك تقرب منه او تفكر فيه هو انت هتفهم اكتر من فلان!!
الي استحقاقه ايجابي بيفكر وبيتأمل لأنك مش أقل من أي حد ، ومحدش احسن من حد ، فكر بنفسك
🔵 3- تشتغل علي طاقتك ومشاعرك ، خليك مستمتع ورايق وحاسس الوفرة بالمتاح عندك ( وانت عارف ان الوضع حالي هو مرحلة مؤقتة وهتختفي )
انت بتبسط نفسك عشان تعرف تحقق الي انت عاوزه
مش تستني تحقق الهدف عشان تبقي مبسوط
حتي لو حققته هتفرح شويه وهترجع تدور علي هدف تاني تحققه وهكذا ، فمتخليش المشاعر هدف
مش مطلوب منك غير انك تسعي بالمتاح عندك متمنطقهاش ومترسمش لربنا الطريق
🟢 فيه تلات انواع من الناس
البعيد عن ربنا الي كل تركيزه علي الماديات ودا فاقد متعة الحياة لأن مفهاش جانب روحاني ودا استحقاقه سلبي
والمتدين المتشدد الي مش عارف ربنا الحقيقي ومش عايش الحياة ومقتنع إنّ العيشَ عيشُ الآخرة فعايشها بفقر بدعوي الزهد لكن الحقيقة إننا نازلين الارض نجربها ونعيشها مش نعيش في الكهوف وعلي الجبال ودا استحقاقه سلبي
النوع التالت وهو الروحاني الي بيفكر ويشغل عقله ومتوازن وبيتعامل مع الماديات بهدوء واستمتاع
واعي إن مش المادة هي الي هتخليه مبسوط
في حد معاه فلوس وحزين 🔴🔴 ( حالته صعبه )
في مش معاه فلوس وحزين 🔴 ( حالته أخف )
مش معاه فلوس بس رايق 🔵 ( دي البداية )
معاه فلوس ورايق ومستمتع 🔵🔵 ( دا الي هتوصله لما تعرف باقي القوانين الكونية وتلعب بيها يا لعيب العلاقات )
🔵 4- تغير من سلوكياتك وعاداتك
مثال : إنك تتوازن في جوانب حياتك
الجانب العلمي وكورساتك وكتبك وانفاقك وجهدك
الترفيهي خروجاتك وفسحك
الصحي أكلك الصحي ورياضتك ونومك
الروحاني معرفة ربنا الحقيقي وتواصلك مع ذاتك
الإجتماعي الادخار والصدقة واللبس والمواصلات
فكر إزاي تقسم دخلك الشهري بالتوازي في كل جانب فيهم وأهم استثمار هو استثمارك في نفسك 🌱
🟢 اكتر 3 اشخاص استحقاقهم عالي
🔶 ️1- الروحاني ، كل ما انخفضت قيمة الشئ كل ما اصبح سهل الحصول عليه ، كن فيكون ، مغناطيس كل شئ هو عاوزه يجيله من تلقاء نفسه
🔶 ️2- الي مشاعره عاليه ، الشعور عنده أهم من المادة
بيحب الحياة وبيعيشها بتحرر مش متعلق بهدف معين
دا كمان بيجذب الظروف والأهداف الجميلة
🔶 ️3- العملي والواقعي
الي كل يوم عارف هو هيعمل فيه ايه عنده جدول ماشي عليه مش عشوائي فبيحصل علي النتيجة التي يريدها لا يفكر كثير ولكن منجز وعنده طاقة
🟣 الخلاصة إن التغيير مش هيحصل في يوم وليله
وطبيعي لما تقرر تطلع من دايرة ارتياحك القديمة فهتلاقي شويه مشاعر سلبية بتطلع عادي تقبلها واستمر وعاند واعرف انك بتبذل طاقة كبيرة في الأول لحد ما الطيارة ما تطير وبعدها هتبني دايرة ارتياحك علي الاستحقاق الايجابي الجديد فممكن تاخد شهر شهرين المهم استمر وطنش مشاعرك ومتستسلمش
🌀 حب نفسك وقدرها وطهر قلبك وخلي عندك يقين قوي في ربنا واسعي وخد بالأسباب المتاحة ولا تسمح لأحد أن يعاملك بأسلوب غير لائق او يتدخل في حياتك ولا تسمح بوجود اشخاص سلبيين في حياتك واهتم بالأكل الصحي الأصل انك تستحق الأفضل إلا لو عملت حاجة غلط
#أنت_تستحق_الأفضل
#لعبة_العلاقات
#محمد_ايمن
للمزيد..
علاقة التبادل الطاقي والأبراج| الأسد يعلمك لتشرق والعقرب يخرجك من بئر الأسرار !!
صفحتنا الرسمية فرندة – Farandh
