حديث الغرام في جزيرة غمام | وإيه أمارات الحب يا عايجة ؟!

حديث الغرام في جزيرة غمام | وإيه أمارات الحب يا عايجة ؟!

لا ثمة حديث للقلب أحن وأرق من الحديث الصوفي، والشعر الصوفي حوى زخات وزخات من الحديث الرائق العذب.

ويظل مسلسل جزيرة غمام للكاتب المبدع عبد الرحيم كمال،  الملك ف هذا السبق والأفضل حوارياً ونصياً

الحوارت بكل اشكالها مع كل الممثلين ممتازة جذابة وذات قيمة فعلاً.

حوار الحلقة  25 من مسلسل جزيرة غمام الأمس لا يمر مرور الكرام   واحد من أقوى الحوارت اللي ممكن نسمعها في الآونة الأخيرة لأنه يتعمق وسطنا ومن واقعنا وليس خيالي إطلاقاً ..

للمزيد..

من الشيخ عبد القادر لـ الشيخ عرفات |عبد الرحيم كمال يرسم وجوه الخير بـ التصوف !!

” – تتجوزيني؟
= لا، تحبني الأول!
– أنا لسة هحبك؟، أنا في الغرام يا عايجة.. “

 

لغوياً مرتبة الغرام أعلى من الحب وأعلى من العشق،
الحب مفهوم شامل ويشترك فيه أشياء عديدة زي الأوطان والعيلة والأصدقاء، والعشق اختلاط لمشاعر الحب دي مع انجذاب للمحبوب ورغبة في التواجد بقربه..

أما الغرام، حب شديد وتعلق شديد.. تعلّقاً لا خلاص منه، الغرام دايم وثابت في القلب والمشاعر، فلا يملك الشخص السيطرة على عواطفه ومشاعره تجاه غرامه، يُقبِل عليه لدرجة الولع الشديد، وفقدان الصبر على فراقه، وكأن الشخص أصبح تحت تصرف المغرَم به، المغرَم مبيهتمش المغرم به بيبادله الغرام أو لا، ويكتفي بمشاعره العنيفة نحوه دون أن تتبدل..

 

” = بس الحب ليه أمارات
– وإيه أمارات الحب يا عايجة؟
= أولها السماح
-مسامح! “

 

بالفعل من أمارات الحب الحقيقي انه مستحيل يتحول لكره، أو مُحِب مقيدرش يغفِر أو يسامح ..
لذلك بيُرى إن درجة حب الأهل للأبناء من أسمى منازل الحب، لأن الغفران والسماح فيها غير مشروط.
بتحكي ” العايجة” تاريخها في غواية القلوب لـ “عرفات”، في محاولة منها لعزفه عن سماحها، فبالتالي يفقد نقاء حبه ليها..

 

” = ها؟ عتحبني وتسامح؟
– وأنا مين عشان أسامح؟ .. أنا ليا إني أحبك وبس “

 

تجرُّد تام وعظيم من الحَكَمية و مواضع التألُّه على الله اللي بيموضع البشر أنفسهم فيها..
من أكبر وأكثر الأخطاء الشائعة في معشر البشر هي لوم العاصي أو المذنب طالما لم يقعوا في مثل ذنبه، ولذلك مبيسامحوش المذنب ولو تاب!
مع إن الدين بيحذرنا بشكل واضح وصريح من الخطأ ده، فيقول الرسول صلى الله عليه وسلم : “من عيَّر أخاه بذنب، لم يمت حتى يعمله”.

 

” = تحبني.. تكرهني.. اديك عرفت وانت اختار
– ياريت القلب اتخلق عشان يختار، القلب اتخلق عشان يحب ويتقلب في الحب. اللي يحب يشوف حبيبه كأنه جديد، كأن ربنا لسة خالقه عشانه هو وبس “

فسبحان مقلّب القلوب وهو الثابت ..

للمزيد..

الشيخ مدين في جزيرة غمام .. ولي ناصح ومربي متحقق بنور الله تعالى – منصة فرندة Farandh

بتنهي “العايجة” أو نوارة الحوار نهاية مفتوحة مليئة بالانتظار وبتعلّق قبول طلبه بعثورها على طهارة نفسها ومسامحتها لنفسها.

لتظل أجمل عبرة ممكن نطلع بيها من الحوار ده، هي السماح ..

سامحوا اللي بتحبوهم، وسامحوا حتى اللي مبتحبوهمش عشان توسعوا مكان في قلوبكم لناس تحبوهم

-ايه السرة الصغيرة دي ؟
=ده الخير اللي عملته وده الشر اللي عملته اهو
– هتدفنه برضه
=ايوه
-ليه ؟
=علشان ابقى خفيف لا خير ولا شر
-خفيف كيف يعني ؟
=علشان أنا أفضل أنا لا الخير اللي عملته ولا الشر اللي عملته ولا أقدر اعمل خير ولا اقدر اعمل شر
-امال تقدر تعمل ايه ؟
=يتعمل بيا، ربنا يشوفني كده يعمل فيا اللي هو عاوزه
-يعني ترجع من الأول لا ذنوب ولا حسنات !

للمزيد..

سلاطين الوجد .. ما الحب العذريُّ إلا تصوف أو طريق إليه | أحمد الشهاوي

صفحتنا الرسمية فرندة – Farandh