من هم البهرة | أحفاد الفاطميين الذين حاربهم صلاح الدين
ما هي طائفة البهرة التي نسمع عنها موخراً وبكثرة عبر منصات التواصل الاجتماعي.
يلا بينا…البهرة احفاد الفاطميين اللي حكموا مصر 300 سنة تقريبًا ، الفاطميين كانوا شيعة إسماعيلية مش إمامية و دي تفرق في المعتقد وفي أمور سياسية كتير ، الاعتقاد الشيعة الإسماعيلية في حكام الدولة الفاطمية انهم أئمة و ليسوا حكام فقط ،
و لذلك تحظى مصر بمكانة خاصة و كبيرة في قلوبهم ،رغم خروجهم منهم منذ الف عام تقريبًا ، لأنها الأرض اللي حكموها و ظهر فيها أئمتهم ،
البهرة لفظ هندي و معناه تاجر ، لأن احفاد الفاطميين اما سقطت دولتهم على يد صلاح الدين الأيوبي اشتغلوا بالتجارة واستقروا في الهند من ساعتها ، و مقر سلطان البهرة في بومباي بالهند.
سر ترابطهم هو اولا التنظيم اللي شغالين بيه من الاف السنين مع اشتغالهم بالتجارة و توريد كل فرد خمس ما يجنيه من ارباح للسلطان ، ده غير انهم مش بيتجوزوا من براهم ، و لا بيمارسوا دعوة و لا تبشير و لا تبليغ و لا عايزين حد يكلمهم أساسًا ،
عودتهم لمصر بعد اكثر من ألف عام من خروجهم منها كانت في عصر الرئيس السادات
وسبب عودتهم حاجتين
الأولى الرابط التاريخي بينهم و بين مصر
والثاني عقيدة عندهم إن الحاكم بامر الله لسه عايش ، و هيظهر آخر الزمان من السماء من المسجد بتاعه اللي في شارع المعز!
الرئيس السادات مكانش عايز يرجعهم لكن مع إصرار و توسل سلطانهم استغرب جدا ،و قاله ايه يثبت ان كلامك صحيح ، قاله هتلاقي بير لسه فيه مياه لحد دلوقتي في وسط المسجد ، و راح السادات فعلًا لقى البير فوافق يرجعهم بشرطين ، إن المسجد يكون لجميع المسلمين و الرقابة عليه تتم من الأوقاف المصرية ، و انهم ماينشروش المذهب بتاعهم في مصر فوافقوا ، و من يومها و هما في مصر ،
البهرة في مصر بقالهم ٥٠ او ٦٠ سنة تقريبًا و مازالوا ملتزمين و محترمين في تعاملهم مع المصريين ، ليهم إستثمارات كتير في الحلويات و في المجوهرات و البخور و كل ما له علاقة بالهند ، متكفلين بترميم و تجديد مقامات ال البيت رضي الله عنهم ، و دائمي التبرع و دعم مصر في عهد كل الرؤساء تقريبًا ،
وتلك هي حكاية من هم البهرة ؟
الكاتب وليد السعيد
للمزيد..
الريش امه ستار جبار حلو زعيم الصابئة المندائيين .. من هم وما عبادتهم ؟!
صفحتنا الرسمية فرندة – Farandh
