جهاد التابعي عن رواية أنتيخريستوس : “مخاطرة أدبية”

جهاد التابعي عن رواية  أنتيخريستوس : “مخاطرة أدبية”

جهاد التابعي عن رواية أنتيخريستوس “مخاطرة أدبية

خلال يومين قريت رواية أنتيخريستوس
وهقول رأيي الموضوعي فيها تماما
هي رواية أنا شايفة إنها من الروايات اللي ” لازم تتقري”
اللي هو لازم تبقي سمعت عن اللي فيها مرة في حياتك علي الأقل
تعتبر رواية تاريخية سياسية وفيها كلام كتير عن السحر
الرواية ممتعة جدا وطريقة السرد ممتعة والأحداث متسارعة وشيقة والكاتب فعلا عشان يقدر يكتبها فهو أكيد قرأ مش أقل من ١٠٠ كتاب في مواضيع الرواية
لكن لو أنت قاريء قديم هتحس إلي حد ما إن في مواضع فيها بعض السذاجة في الطرح ويمكن السذاجة دي تكون عيب بالنسبة لشريحة قراء وميزة بالنسبة لشريحة تانية
يعني كون بعض المواضع ساذجة لا يعني إن الكاتب نفسه ضحل لكن ممكن جدا يكون قاصد يبسط التناول
الرواية فيها مخاطرة أدبية قللت من تماسك الشخصيات لأن الكاتب بيعمل مخاطرة مش إنه يبني شخصيات ثابته طول الرواية أو حتي أحداث لكن البطل الوحيد عنده فكرة أو مؤامرة بيعرض من خلالها التاريخ البشري كله من وجهة نظر المؤامرة دي وده يخلي أي عدم تماسك يغتفر
وأخيرا كان نفسي الصراع يكون بين شخصين أو حتي جهتين كل طرف فيهم مثير للإعجاب والتعاطف لآخر لحظة في الرواية ، يعني لو مثلا كان الكاتب عمل صراع بين الراوي وبين الطرف حد من أفراد المنظمة في الطرف التاني كانت هتبقي الرواية عالمية.

للمزيد ..

صرصار في المطبخ.. إشكالية القوة بقلم جهاد التابعى

صفحتنا الرسمية فرندة – Farandh

 

جهاد التابعي عن رواية أنتيخريستوس
جهاد التابعي عن رواية أنتيخريستوس
شارك المقالة