تقدم الفلكية المصرية سهيلة خميس ابرز دروس الأبراج لسنة 2022.
وذكرت ان الكلام ينطبق أيضا علي الشموس، الطوالع والاقمار.
الحمل: درس السنة كان انك تعرف انه مش عيب نبطل حاجة تضرنا، انك تسيب العلاقات الغلط احسن بكتير من انها تستمر والعلاقة بايظة اصلا وان من القوة التخلي ودي احسن حاجة كان لازم تعملها عشان نفسك.
الثور: السنة دي كان لازم تعلمك انك لازم تتحمل اي شيء، كان في ايام عانيت فيها عشان تقوم من السرير وعينك مليانة دموع، لكن انت قوي نجحت في دة ولسة هتنجح كان لازم تعرف انك اقوي مما تتصور.
الجوزاء: السنة دي كان لازم تعرفك انك قادر تحس والعاطفة موجودة وقلبك شغال وان عندك قلب كبير، بس للي يستحقه، ولما يجيلك الشخص المناسب هيكون محظوظ انه في حياتك.
خليك واثق في احساسك بعد كدة دايما.
السرطان: السنة دي كان لازم تعلمك ان مقدار الجهد المبذول في اي العلاقة. لازم يكون بالتساوي، قد ما تدي قد ما تاخد مش واحد متاح طول الوقت والتاني مش موجود. عشان مفيش حد واحد لوحده يقدر ينجح العلاقة.
الاسد: السنة دي كان لازم تعرف ان في ناس حواليك بتحبك وان عندك دعم قوي، وكان لازم تمر بصعوبات كبيرة عشان تلاقي اللي يطبطب. عندك اصحاب وعيله هيكونوا جنبك دايما.
العذراء: السنة دي كان لازم تتعلم انك مينفعش تعتمد علي حد غير نفسك فقط!
وانك مش هتقدر تخلي اي شخص يحبك ويحترمك، قبل ما تتعلم تحب نفسك الاول. بلاش تقسي علي نفسك وكافئها عشان نفسك اولي بالحب من اي شخص اخر.
الميزان: السنة دي كان لازم تعرف ان الثقة لازم تاخد وقت طويل عشان تتبني بس بتتكسر في ثواني، المواقف هي اللي بتبين معدن الناس اللي انت مسميهم اصحابك.
العقرب: السنة دي كانت مليانة تقلبات بنسبالك، والعلاقات مش لعبة عشان وقت ما تحب تبقي موجود ووقت ملكش مزاج خلاص! هروبك عمره ما كان حل.
كان لازم تواجه مشاكلك قبل ما تواجهك. يارب تبقي اتعلمت الدرس.
القوس: السنة دي كان لازم تعرف ان المشاعر مش دايمة، وان الناس بتتغير والمشاعر بتتغير والاوضاع بتتغير ومكنش ينفع تبقي ضامن وجود كل شيء. لأن الكون بيلف ويتغير مفيش حاجة ثابته.
الجدي: السنة دي كان لازم تعرف ان مش معني انك تحب حد انه لازم يبقي معاك، انت محتاج حاجات تانية بجانب الحب عشان الحياة مش علاقات بس في مستقبل واحلام لازم نبنيها عشان نبقي مستقرين عشان نقدر نبقي في علاقة.
الدلو: كان لازم تعرف السنة ان الناس اللي بتهتم بيهم جدا هما اول ناس هتيجي عليك، ودة مش معناه انك تقفل قلبك ومتحبش. الحب مخاطرة تستحق ولكن لازم تشوف اللي هتهاديه قلبك هو كمان يستحق ولا لأ.
الحوت: كان لازم تعرف ان الحياة بتمشي حتي لو قلبك اتكسر، وانك مجبر تعيش وتعمل كل حاجة وانت حزين عشان الواجبات اللي عليك مش هتقدر انك مش قادر وحزين، وانك مش هتقدر تجبر حد يحبك ولا تقدر تتحكم في مشاعر اللي قدامك فوق دة خارج عن ارادة البشر !
سهيلة خميس
MARS AND VENUS NEW VERSION FROM Kama Sutra
