Sapiosexual سابيوسيكشوال | الجنس الانتقائي
sapiosexual يعنى ايه ؟
الكلمة جزئين .. المقطع الأول Sapio معناه باللاتينى الحكمة أو الذكاء ..
والتانى واضح طبعا .. متعلق بالجنس
ولكن ليس الترجمة الحرفية (الذكاء الجنسى )
الانجذاب الجنسى بين الأشخاص غالبا ( ماقولناش دايما ) بيبقى مرتبط بحاجات زى المظهر وشكل الجسم و السن والملامح ومجموعة من السمات اللى أغلبها حسى بحت .. لكن لقوا ان فيه فئة من الناس مختلفة تماما .. الناس دى المحرك الأساسى ليها وعامل الجذب الرئيسى تجاه الجنس الآخر هو الذكاء والقدرات العقلية وسمات الشخصية وطريقة تفكيرها .. طبعا المصطلح أه جديد لكن بيوصف ظاهرة موجودة من قبل بالأكيد لكن مكانش لها تعريف لغوى .
ليه نشأت الحاجة أصلا للتعريف أو المصطلح ده !
دايما عندنا تصور ان العقل والقلب منفصلين.. و انهم أصلا شغالين ضد بعض .. وبنشوف ان العقل هو الحكيم اللى جوانا بينما قلبنا ده العيل الأهوج اللى بيودينا فى داهية لما نمشى وراه ويغرقنا .. ومعروف أن فيه كذبة متداولة وشائعة ان الشخص الحكيم لازم ميكونش مندفع وبالتالى الحكماء لا يقعون فى الحب !! على اعتبار الحب حماقة عاطفية مالهاش منطق عقلى .
ولكن مين اللى قال ان الرومانسية والحكمة لزم يبقوا ضد بعض!!
مش جايز أصلا الحكمة والمعرفة هى نفسها الصفات الجذابة لشريك عنده برضو حكمة وعقلية مستنيرة ومش بيحكم بمعايير سطحية وشكلية وبالتالى بتجمع بين شخصين متوافقين على مستويات أعمق من الوعى وده يخلى العلاقة والرابطة بينهم أقوى !!
الموضوع بدأ ينتشر بشكل كبير مع وجود وسائل التواصل الاجتماعى اللى الشخص بيعبر فيها عن أفكاره واهتماماته بشكل منفتح … وحاليا فيه تطبيق على الانترنت للجمع بين الناس المتشابهة فى الصفات العقلية والاهتمامات واسمه سابيو!
متوقع ان النوع ده من العلاقات يزيد مع الوقت ويبقى أقوى من العلاقات التقليدية المبنية على معطيات حسية وبس.
بوست +18 عن قصة ال sapiosexual سابيوسيكشوال
… المصطلح ده مش معناه ان الشخص ينجذب للذكاء لان ده العادي لاغلب الناس اصلا و الذكاء تاني اعلى صفة مرغوبة …
امال معناه ايه؟! … لو تحت +18 او بتتكسف متكملش
معناه ان بيتم اثارتك جنسيا بسبب ذكاء الشخص … زي ما ممكن الشاب يشوف بنت كيرفي في فستان عريان فتتحرك هرموناته … فالذكاء بالنسبة للناس دي بيعمل فيهم كده … و ده فيه منهم رجالة و ستات كده
لدرجة ان شفت كومنتات لناس اجانب منهم كاتبين نصا
( philosophical discussions is my foreplay )
النقاشات القلسفية عنده دي الاغراءات اللي بتشده قبل العلاقة الجنسية
و بيتكلموا بمصطلح ضحكني جدا لما قريته اسمه ( Intellectual intercourse )
و ده معناه بالعربي كده علاقة جنسية عقلية قبل العلاقة الجنسية الجسدية … المصطلح ده مش هيفهمه الا اللي كده فعلا … و مش قصة انجذاب بس … لا … الناس دي فعلا بتحس بإثارة جنسية بمداعبة عقلها قبل جسمها.
كده فهمنا ان مجرد انكم عايزين اللي قدامكم ذكي مش معناه انكم sapio
بمعنى أخر…
الأشخاص ال ” سابيو الجنس sapiosexual ” هم الأفراد محدودي العلاقات العاطفية والجنسية
. إذ أنّهم نوعيين و انتقائيين جداً ” picky” .. يميلون لمحدودية العلاقات و لا يتأثرون بعدم وجودها ..
سابيو الجنس sapio sexual | الجنس الانتقائي (الحب أم الشهوة) ؟!
ٌٌ Related posts:
Signs of twin flame union protection
Life is possible only through challenges
ما هو الوعي الروحي | وهل نرتقي به أم فيه ؟!
13 things you need to know about twin flame sex part 1
13 things you need to know about twin flame sex part 2
THE HOLY UNION | When the Masculinity meets the awakened Femininity
الملوخيه.. الشهقة مصري والطشة ملوكي !!
توأم الشعلة | صناعة الحب أو الوهم؟!