قفل بوابة الحسد ..كيف تقوي مجالك الطاقي ضد نظرات الحسد؟
انا بتحسد ، انا بحلم بكوابيس كتيرة ، انا معمولى عمل ، بسمع اصوات غريبة ، بتحصلى احداث غريبة فى البيت ملهاش تفسير هو ليه السحر كتر و الكلام فى الجن انتشر
صحصح معايا كدا علشان انهاردة جيلك بموضوع و مفتاح جديد هيقلب كيانك ياوحش العوالم الخفية بوست جديد من سلسلة مفتاح الحياة
عمرك ماسألت نفسك هو ليه انا الى بتحسد على اى حاجه معايا؟
و اغلبية سكان الارض بيتكلمو عن ثروة بيل جيتس و كريستيانو رونالدو و كل الحاجات الى معاه ديه
ناس ديه مش بتتحسد ليه و الاجانب و كل ناس ديه مش بيصيبها الحسد ليه ولا بيتلبسو ولا بيحلمو بكوابيس يشتكو منها ليل و نهار ولا بيصحو ضهرهم مقطوم
علشان بكل بساطة ناس ديه مفتحتش بابها
بابها باب ايه ياعم انت
تعالى اقولك باب ايه
السحر ، الحسد ، المس ، الشيطان كوابيس
الحاجات ديه كلها مبتقدرش تصيبك ولا تاثر عليك و على حياتك الا عن طريق طاقتك و تجعلك انت الى تنفذ و طاقتك هيا الى بتنفذ الجذب و الاذى
السحر تاثير طاقى يصيب الجسد و الهدف فى طاقته
الشيطان يوسوس الذات لفعل ماحرم الله عليها للعصيان بايدك
علشان يوم مايتسأل يقول هو الى عمل بنفسه مش انا الى عملت فيه كدا
غلبان اوى
انت بقى بتعمل ايه ، انت حضرتك بكل بساطة بتفتح المجال الطاقى
فا بيتم عمل تخاطر مابينك و بين العالم الاخر.
و كائنات العالم الاخر عندهم قدرات التواصل عاليا جدا و منها التخاطر
الى ميعرفش تخاطر التخاطر هو انك بتربط طاقتك مع شخص اخر فا بيتم التواصل معاه عن طريق العقل ” من مجرد التفكير به”
فا كائنات العالم الاخر سهل انهم يحسو بتخاطرك
فا لما انت بتفتح المجال الطاقى الخاص بيك
كدا انت فتحت الباب
الى هيخشلك منه الشيطان او الجن المكلف بالمهمه
سواء الحسد او السحر او المزاولة
احنا بقى عبارة عن ناس حاشرين مناخيرنا بكل حاجة و ناس كلها بتفتح ابواب العالم الاخر بمجرد الانشغال بيه و سماح لهم بالدخول لحياتنا علشان كدا الحاجات ديه انتشرت فى حياتنا 🤦♂️
يعنى ربنا يبقى انعم عليك بنعمه كبيره و هو الغشاء الى محطوط على بصيرتك علشان متشوفش العالم الاخر بيحصل فى ايه
تقوم انت تقنط من رحمه الله و نعمته عليك و تقعد تفكر 😠
و تفتح انت الباب و تجعل تواصل بينك و بين عالمهم
لان بكل بساطة طبيعى جدا انك لو عايش فى مكان و شغلت بالك بالى حوليك هيركزو معاك 🤷♂️
فا الموضوع كله متعلق بمجال الطاقة الخاص بيك
اثناء عمل السحر ليك بيسال عن اسم الام عارف اسم الام ليه ؟
اسم الام لان الام هيا اكتر شخص مربوط بيها مجالك الطاقى بكل تفاصيله
هيا اكتر واحده سهل جدا انها تعمل معاك تخاطر و انت تعمل معاها ده
كا مثال لما مامتك تقول قلبى مقبوض على الولد
و تتصل بيه تلاقيه فعلا فى مصيبه
فا بنقول احساس الام مخيبش
هو ده حصل لان الولد قدر يوصل لامه انه فى مصيبه و هيا حست بيه
فا الموكل بخدمه السحر بيوصلك عن طريق ربط الى حاصل بينك و بين الام
فا كل شخص مننا ليه مجال طاقه فى الحاله ديه بيعمل ايه ؟
بيقوى طبقة الحماية بانه بيستعين بالاذكار و الادعيه الى هيا تحت مسمى التحصين
و التحصين ده هو خلق دايره حواليك بتعيش فيها بتمنع دخول طاقة سحر او مس او حسد
كل ماعليك هو انك متفكرش فى العالم الاخر ولا تشغل بالك بتفاصيله
و تقوى مجالك الطاقى بذكر الله و تحصين ذاتك
و ديما تتذكر ان طاقتك اعلى بكتير جداااا
من انك يصيبك سحر او حسد او مس
و وقتها مش هيصيبك اى شىء بأذن الله لانك استقويت بالاقوى هو المولى سبحانه و تعالى 💚
الله العلى العظيم 💚
العالم الاخر اول ماتفتحلهم الباب هيدخلو و يخوفو فيك
و يهددو حياتك علشان يضعفوك
علشان يقدرو يتحكمو بشكل اقوى
فا لما بتسعين بكلمات الله القوية
انت كدا بتضعفهم و بتضعف طاقتهم فا مبيقدروش يسيطرو
او يأذوك او يضروك بشىء لانك معرفهم انك محمى بالاقوى منهم
و عرفتهم ان فى الاقوى منكم
لما تبدا تخاف و تعملهم حساب و تفكر فيهم
و تديهم الاهميه و تخليهم ليهم سلطان عليك
متزعلش لما تتبهدل انت الى من الاول ايمانك مكنش قوى
فا طاقتك كانت ضعيفه
لو انت حاطط فى دماغك انك مش هتتحسد مش هتتحسد
لان كدا انت هتبقى اقوى من العين او الكلمه الى هتحقد عليك
فا هتصيبك ازاى و انت مش مديها حجمها ؟
الاحداث الغريبة بتحصل معاك بسبب انك انشغلت بالعمار و تواصلت معاهم
هيظهرو و يزاولوك كتير لانك بقيت على تواصل معاهم بطاقتك برضو
هو مجرد مجال طاقى اذا اخترق انت اخترقت اذا حافظت عليه حافظت على ذاتك من الهلاك و قوى الحماية بالتحصين و استمداد القوة من الايمان بالله سبحانه و تعالى
دعواتكم ليا بتيسير الحال و دمتم فى امان و كلما رزقنى الله بعملومات لن ابخل بها عليكم
للمزيد..
الروحانية تعني الإستيقاظ .. كيف تساعد نفسك على النهوض؟
صفحتنا الرسمية فرندة – Farandh