خواطر عن قانون الجذب.. تقدمها ياسمين طارق

خواطر عن قانون الجذب.. تقدمها ياسمين طارق

منقول من جروب بارانورمال ايجيبت بقلم ياسمين طارق 

اهلا جروب بارانورمال بناءا على طلبكم و طلب Ahmed Youssef HD الاب الروحي لينا اني اتكلم عن قانون الجذب قعدت افكر ازاي ممكن اتكلم عنه و للاسف انا مش هقدر الخصة فبوست واحد لان الموضوع كبير جدا و مش مجرد موضوع بسيط هيتلخص فبوست فحاول كل فترة اتكلم عن جزء منه و يارب اكتبة بطريقة توصل للكل

خواطر عن قانون الجذب.. تقدمها ياسمين طارق

🔺الجزء الاول :

اية هو قانون الجذب :

قانون الجذب بكل بساطة هو ان افكارك ( و معاها تصرفاتك ، مشاعرك) بتخلق العالم اللي انت بتعيشة دلوقتي
قانون الجذب بالنسبالي هو القانون الاعظم و هو الاساس
و كمان هي مش مجرد جلسة هتعملها مرتين و خلاص في حاجات لازم نفهمهم كويس و نتفق عليها :

1-ان الجذب د عبارة عن lifestyle و التزام :
هو عادة اساسية فحياتك بتاثر على كل جوانب حياتك و بتغير عاداتك و طريقة كلامك و لغة جسدك و لبعض الاحيان بتغير طريقة اكلك كمان عشان توصل لطاقة معينه و انة عشان تنجح انك تجذب اي حاجة و تتحكم فاي حاجة لازم تهذب نفسك و عشان كدا لازم تديلة الاولوية و تخصص ليه جزء لية من يومك ع الاقل

‏2-(manifestation is like a gym to the mind ) :

دي مقولة قريتها فمرة و غيرت كتير فيا ان الجذب زي الجيم لعقلك و من هنا انت لو اول مرة هتجرب الجذب لازم تبدا بجذب حاجات صغيرة فحياتك(مثلا تحاول تجذب ريشه لونها بينك بعدين تجذب مبلغ صغير و بعدين تجذب كتاب نفسك فيه حاجات صغيرة مش اساسية فحياتك انت بس بتدرب) و بعد كدا الحاجات و فعاليتها بتكبر معاك كنت زمان اعمل جلسة الجذب على الحاجة الي انا عيزاها و بس لكن بعد كدا فهمت ان دي حاجة لازم اعملها كل يوم عشان تكبر معايا و بخصصص ليها وقت محدد كل يوم و يفضل يبقى نفس الوقت كل يوم عشان تبقى الجذب سهل ليك علطول و متواجهش مشاكل بعد كدا

3- هي رحلة بتلازمك طول حياتك بتكتشف فيها نفسك :

انت مع التدريب الي هتدربة هتعرف اية الطرق الي هتنفع معاك الطرق الي هتمشي معايا مش شرط تنفع مع حد تاني و العكس في طرق ممكن اجربها و متنفعش مع حد تاني في ناس مجرد النطق بالحاجة بتحصل و ناس لما بتشوف حاجة و تعوزها بتيجي في ناس لما تسمع و في ناس بالتفكير بس و مش محتاجة اي اداة مساعدة ( الادوات المساعدة عباره عن حاجات بتستخدمها وقت الجلسه بتزود طاقتك و تخلق مشاعر مع التفكير عشان تزود الفعالية و هتكلم عنها اكتر بعدين )

4- الجذب عشان ينجح لازم تكون فحالة توازن ( السلام النفسي ) و السعادة :

لازم تحافظ على طاقتك مابين حالة سعادة او ع الاقل حالة حيود و هي السلام النفسي انك تحافظ على طاقتك لازم ع الاقل تبقى على دراية بعلم الطاقة او ع الاقل باساسياته و عشان تحافظ على التوازن و السلام النفسي لازم تدي وقت لmeditation في حياتك و دي حاجة من الادوات المساعدة المهمة

5- التخلي الي بنفهمة غلط :

التخلي مش اننا نتخلى عن افكارنا او اننا نقلل تركيز على طلبنا التخلى هو انك متربطش حياتك و توقفها على الحاجة الي بتجذبها و تعلق سعادتك بيها و تتعامل ان الحاجات دي انها مش اساس فهي لو جت اهلا وسهلا فلاخر انا ياسمين مجتش عادي انا بردو ياسمين مفيش حاجة اتغيرت و انا مش هتغير بيها و انا راضية عن حياتي و نفسي

▪️لازم تصدق و تقول لنفسك ان ربنا خلق كل حاجة حواليا عشاني عشان تخدمني خلق الارض و السما و الاشجار و الجبال و كل حاجة عشاني ربنا سخر الكون عشاني عشان مصلحتي و دي الحقيقة في ايات كتير بتقول ان ربنا سخر الكون للانسان و هنا لازم نبدا نفهم و نستخدم الميزة دي

انا اشك ان في اي حد هنا بيشكك في قانون الجذب لكن لو فرضا في حد بيشكك فية
فمن الناحية الدينية الجذب هو الدعاء و هو حسن الظن بالله
من الناحية العلمية سهل جدا تثبتها
كل حاجة متكونة من مادة و المادة متكونه من جسيمات و الجسيمات مثبت انها عبارة عن طبيعه مزدوجة في ميكانيكا الكم الجسيمات بتظهر فطبيعة موجية(عباره عن طاقة) و بعض الاحيان طبيعة مادية (دي هي نفس النظرية الي اثبتو بيها توازي الاكوان ) و في قانون لاينشتاين شهير E=mc^2 و هنا في علاقة بين المادة و الطاقة و ان المادة ممكن عند ثابت معين تبقى طاقة و الطاقة عند ثابت معين تتحول لمادة و الثابت د بالنسبالي هو افكارنا الي بتخلق تردداتنا و التردد هو بيكون طاقتنا .

🔹 في ناس بتحاول تجذب مثلا شغل معين هي حباه و يجي قدامها و يقدمو عليه بس بيترفضو هنا بييأسو و طاقتهم بتنزل بشكل كبير و يبداو يكدبو الجذب و دي مشكلة كبيرة هتسبب بفشل في جلسات هتعملها بعد كدا لان مبقاش في يقين و الموقف د هيأثر معاك لكن لازم تغيير قناعتك ان لو حصل موقف زي د ان مثلا تقتنع و يبقى عندك يقين ان في شغل تاني احسن منه بمراحل بتتحضر و قربت توصلك خلاص و هتوصل باذن الله

🔺قبل متبدا جذب لازم تحاول تنور عقلك و روحك و توسع حدود ادراكك و تكسر الحدود الي خلقها البني ادمين فتفكيرك و تغير قناعاتك

🔺دلوقتي نيجي لاساسيات و خطوات الجذب الي بتبقى فاي طريقة :

كان في حلقة ل ستيف هارفي بيحكي فيها قصة نجاحة و فلحلقة دي بعد م خلص الحكاية لخصها فجملة و هي (ask, believe, you receive )

‏1- Be gratitude for life you had انك تبقى ممتن لكل حاجة فحياتك دلوقتي :

كان عندي غلطة كنت غافلة عنها في الجذب و هي اني فبعض الاحيان في حاجات كنت بحاول اجذبها بدافع اني مش راضية عن الي معايا و كان كنت دايما بسال لية حاجات بتيجي و حاجات لا و د كان احد الاسباب

2- حدد انت عايز اية بالضبط و لية انت عايز الحاجة دي :
عايز مثلا تجذب بيت تحدد البيت يكون شكلة اية و تحدد انت عايزة لية
‏3-ask for what you want :
هتبدا تعمل الجلسة باي طريقة تناسبك و تطلب بشكل مباشر انا عايز كذا
‏4- believe اليقين :
يبقى عندك اليقين الكامل ان كل حاجة بتحصل لمصلحتك و ان الحاجة دي هتتحقق و لو متحققتش فبكل بساطه في حاجة احسن بتحضر نفسها عشان تجيلك قريب
‏5- take action خد خطوة في اتجاة طلبك و اسعى لية :
لو عايز تسرع جذبك لاي حاجة ابدا خد خطوة لان اي حاجة بتحطها فلكون هتجيلك اي كلمة هتنطقها هترجعلك اي فعل هتعمله بيترجم للكون بطريقة او باخرى لو عايز شغل معين و لقيت قدامك شغل بيتعرض روح قدم عايز تشتري بيت ابدا انزل و دور امشي نص الطريق و الكون هيكمل النص التاني ليك
6- عادة هتمشي عليها كل يوم و هي grateful list كل يوم قبل م هتنام هتعمل ليست ع الاقل ٣ حاجات هتشكر ربنا عليها و تبقى ممتن لوجودها فحياتك حتى لو صغيرة

اتمنى مكونش طولت عليكم البوست و هقسمها اجزاء انشاء الله عشان نفهم اكتر

دمتم في وفرة لامحدودة 💚

#قانون_الجذب

للمزيد..

هل علاقة توأم الشعلة كارمية أم إلهية ..وكيف نميز بين الحب السام والعشق السامي؟

صفحتنا الرسمية فرندة – Farandh