نظرية أشرف عبد الباقي والتيبس !!
كنت عاوزة اسألك سؤال
اتفضلي
ليه ما اديتش للجرسون بقشيش؟
و اديله ليه بقشيش؟ هما واخدين 12.5% خدمة
عادي لازم تدفع بقشيش خصوصاً ان الخدمة كويسة جدا
ما وضع طبيعي ان الخدمة تبقي كويسة جدا ده فندق خمس نجوم يعني اسعاره سياحية لازم الخدمة تبقي كويسة لو مش كويسة تبقي مشكلة كبيرة جدا و بعدين في حاجة بقي يا سامية…الراجل الجرسون اللي يتقولي لازم اديله بقشيش ده اكيد قعد يدور علي واسطة كبيرة جدا علشان يقدر يشتغل في فندق خمس نجوم زي ده صح؟ يبقي هو مهنته في الحياة انه يقدم طلبات و ياخد قصادها أجر ده وضع طبيعي قوي زي الدكتور ما بيعالج المرضي زي المهندس ما بيبني عمارات زي المدرس ما بيعلم التلامذة بعيدا عن الدروس الخصوصية يعني …غلط قوي ان احنا ندي بقشيش… اسألك سؤال يا سامية… انتي في شغلك مش بتاخدي مرتبك؟
طبعا اومال هشتغل ببلاش؟
حلو قوي… عمرك بقي خدتي مرتبك و عليه بقشيش؟
بقشيش ؟. لا طبعا
طيب…اشمعني انتي بقي مطالبة طول ما انتي ماشية تدفعي بقشيش؟…تركني العربية البواب يبصلك عاوز بقشيش… المكوجي يجبلك المكوي عاوز بقشيش… تروحي تشتري سندوتش الراجل يحطلك طمطماية زيادة علشان عاوز بقشيش… تروحي تجيبي فستان الست تبصلك تقولك الحلاوة يا ست… وتحد تاني يقولك الشاي يا ست… كل ده ما دام مالوش لازمة و ما دام مالوش معني يا اما يبقى نصب يا اما يبقى تسول
:يااااه…ده انت مكبر الحكاية قوي
انا ما بكبرهاش… الحكاية كبيرة لوحدها… كبيرة لدرجة انها وصلت لكارثة
ودي كانت نظرية أشرف عبد الباقي والتيبس من مسلسل حكايات زوج معاصر 
!!
!!
للمزيد..
منة عبد العزيز ومودة الأدهم.. البنات وتجارة الجسد عبر الـ Live
صفحتنا الرسمية فرندة – Farandh