شيماء فايد تكتب لـ فرندة عن الـ Facebook : زاد الاتصال وقل التواصل!!

مواقع التواصل الاجتماعي

الحياة قبل الفيس بوك كانت الطف واهدى لكن دلوقتي
الفيس بوك زى ما قرب ناس فرق ناس.

قرب ناس بعيد عننا واتعرفنا على ناس جديدة بس برضو خسرنا ناس كتير.

الفيس قطع رحم ناس كتير وفرق اصحاب لو بصينا فى قايمة البلووك هنلاقى مليانه ناس كتير ناس كانو قريبيين وناس كانو حبايبنا.

الفيس بقى مكان للتلقيح والشتيمه وبوظ علاقة اصحاب ببعضهم بسبب

انتى اون لاين ومردتيش انتى قريتى رسالتى ومعبرتنيش الكومنت بتاعك جرحنى

وممكن اصلا تكون بتهزر وهى بتكتب الكومنت بس للاسف بقى دا الواقع اننا بنزعل من بعض بسبب اشياء هيفهة.

مشكلنا بقت على الفيس او على استورى واتس نعزى بعض ببوست نهنى بعض ببوست.

ياما خطوبات اتفشكلت بسبب الفيس بس حقيقى الفيس مجرد سبب خلى ان الناس بقت كده.

وللاسف اعرف اخوات اتفرقو والفيس هو الوسيلة الوحيدة انهم يلقحو على بعض او يشتمو بعض.

الفيس امتلئ بكتير من الجروبات الى بتعرض مشاگل الناس بطريقة صعبه مشاكل الام وبنتها الاخوات الاب وولاده.

لكن الأسوء هو عرض مشاكل الحياة الزوجية الخاصة على الملئ وللاسف بقى الامر عادى والكومنتات تشتغل بقى وكل واحد بكلمة شكل

واخر بوست كنت قريته على جروب واحد بيسال ان خطيبته مصممه انها تختار معاه الشقه.

اغلب الكومنتات للاسف قالو سبها واخطب غيرها دا غير بوست واحده بتشتكى من جوزها وللاسف الكومنتات برضو كانت سبيه وهو يتصرف ويصرف على بيته.

ومحدش قال كلمة حق من كتر الضغط على الشخص دا مات صحيح الاعمار بيد الله بس للاسف كتر الضغط عليه جاتله ازمة مات واخيرا كنت اتمنى نستخدم وسائل التواصل الاجتماعى صح من غير ما نخرب حيات بعض.

للمزيد..

حكاية المهندس والمدرس في بلاد أستونيا ونبؤة الدبابة !! أداء صوتي منى صقر (1-2)