توقعات وأبراج لـ الفلكية السورية جوليا الزين | القمر في برج السرطان !!
توقعات وأبراج
القمر في برج السرطان المائي
خبيرة الأبراج والأحرف جوليا الزين
السرطان الجميل الانيق الجذاب يلي كله ذكاء وطاقه وإيجابية ، الحنيه للسرطان وبس العيون الحلوة والقلب الطيب للسرطان.
متعدد المواهب ذكي،محبوب اجتماعي، بيتميز بكل مجال بيدخل فيه، بيترك بصمة حقيقيه واقعيه ، قريب من القلب جدا” ، لكن عاطفيا” ممكن يتعب ممكن يعاني ممكن يضحي عحساب صحته مستقبله اهله ، عملي جدا” مخلص ووفي لبيته لأصدقائه.
توقعات ليومي الخميس والجمعة
10 و 11 / أذار – مارس/ 2022
برج الحمل :
مانك مرتاح بدائرة عملك او بالمكان يلي موجود فيه بالبيت بالشغل في ضغط عليك ، مسؤولية جديده بتترتب عليك وبتشغلك بعض القصص والقضايا العائلة، اذا عم تفكر بتغير مكان ماتردد
و عندك فرصه حلوة واستفيد منها بتغير او بسفر لصالحك ،امورك أفضل إذا خففت من عصبيتك وحدتك هاليومين، صفحة جوليا الزين وانتبه للمشادات الكلامية بينك وبين حدا اعلى منك شانن في منية بالموضوع
عاطفيا”: عم تكون حيادي شوي وبتتجنب اي مشاكل وخلاف بينك وبين اشريك،ماتطور الأمور وتكبرها ،والبعض من مواليد برج الحمل مدايق من تدخل الاهل باموره العاطفية
صحيا”: خفف منبهات وانتبه لصحتك اكتر من هيك
مزاجك ⏳ : 60 % / فكرة التجديد والانعزال ماعم تفارق
برج الثور :
هالفتره في طاقه عالية بترافقك وسلسل التعامل مع الاخرين، عم تسيطر عالمكان يلي بتكون متواجد فيه ،اجواء حلوه بترافقك و امور بتتيسر معك، اتصالاتك كتيرة وعلاقات مع محيطك بتطور ملحوظ،وقصه دراسه وافكار جديدة من التقدم الذاتي بترافقك
والبعض عم يحضر حاله لشهادة واختبار ،حاول ياثور تحط حدود لناس قريبه منك وتقربهم منك لمصلحة واستفادة شخصية،مبلغ مالي برحر امورك،انتبه من الاعطال الالكترونيه.
عاطفيا”: فرصه قوية وداعمة للتعارف والارتباط وقصة صداقه عند البعض ممكن جار او زميل عم تطور لحب ، كون جريئ واعترف بحبك
صحيا”: بعد عن السهر و كتير انتبه لشرب الماء ،الم بالمعدة
مزاجك ⏳ : 80 % /طاقة يلي حولك كتير بتاثر عليك ومزاجك وعملك،اذا من حولك مرتاح فأنت مرتاح
برج الجوزاء
حاول هالفترة تتجنب كل التحديات وبعد عن المنافسة ممكن تعرضك لتشوية سمعة وناس قاصدة تشوه صورتك حاول تحط حدود وبعد عن المضغوطين،فتره كتير بتحملك بعض الضغوطات والالتزامات المالية
بعد عن الهدر قد مافيك ممكن تضطر للدين او المساعدة من حدا، عم تترتب عليك بعض الفواتير والتزامات من استحقات مالية، فرصة عمل جيدة من نصيبك، وعقد جديد بيعرض عليك وبتتلقى دعم من حدا قريب منك
عاطفيا:” فيك تستفيد من ارتياح الشريك هاليومين ، وتعلم الطاقة عالكل وبترافقكم اجواء حلوة، هدوئك ورونقك ملفت استمتع بوقتك مع الشريك
صحيا”: ضغط عصبي ممكن يرافقك ،كولون او الكبد انتبه من هالشغلتين
مزاجك ⏳ : 65 % /عم يشغلك التطوير و افكارك غامضه هالفترة ، خيالك جدا” واسع
برج السرطان :
عن تشعر بارتياح وايجابية نفسك ومن حولك ، بتسيطر عليك طاقة امل وتفائل والفلك بيدعم لتقدم أفضل ماعندك ، وبعد عن التاجيلات اذا عم تفكر بسفر او تغير مكان فالامور لصالحك، اتصالاتك كتيرة وعلاقات مع محيطك بتطور ملحوظ ، اهتمامات شخصية ، والبعض عم يفكر يغير بمظهرة الخارجي ،اغتنم هالتألق ووجود القمر ببرجك واشتغل عحالك،قصة اب او اخ بتشغلك
عاطفيا”: اجواء حلوة ورومنسية بتسيطر عليك عم تكون هادي ، وبتتلقى دعم من الحبيب،والبعض من مواليد السرطان عم يفكر بحب جديد و تعارف ، ومن هالبرج تحديدا” في رجوع شخص من الماضي
صحيا” : انتبه لبشرتك، و لغذائك كتير مهم تتناول وجبات كاملة الدسم
مزاجك ⏳ : 85 % / عم تتأنا بكل خطواتك وعم تحسب كل غلطة او كا عمل حاول ماكتير تقدم تنازلات كرمال ماتخسر كالعادة
برج الأسد
مانك مرتاح بالمرة قصص مالية متعبتك وشاغله بالك هاليومين انت محمل الموضوع اكتر ما بيستاهل لهيك حاول تهدي وتكون دبلوماسي.
وبعد عن الأفكار يلي فيا تشائم وطاقة سلبية، ممكن تشغلك هالفتره حصص الإرث او الورثه وعم تفكر وفي مقارنه بينك وبين حدا بالعيلة
بعض مواليد الأسد عندهم قضية ماليه ولصالحهم ممكن تنازل او شراء بالفترات القادمة فيك تستفيد منا
بس هديلي حالك و حاول تنتبه لنبرة صوتك !!
عاطفيا: الجو العام مريح إلك وممكن يحملك بعض التغيرات والتقلبات وممكن مفاجئة حلوة من الشريك تغير مودك حاول تفصل بين العمل وبين العائلة لتنال الاستقرار العاطفي
صحيا“: ممكن الآلم الأسنان يرافقك وبعض الهالات السود يضايقك
مزاجك ⏳ : 70 % / في مشروع ببالك ورح تنجح فيه ، هالفترة بعد عن البوح و الافصاح
برج العذراء :
هالفترة عم تحملك وعود كتيره منها الصادقه ومنها المخادعه حاول ماتثق، عم تفكر بشراكة ماليه ومشغول بالك ومانك عارف تحسم الموضوع وممكن عمل جديد يشغل تفكيرك ، انتبه لكلامك هاليومين محسوب عليك وحاول ما تعطي فرص ثانية وحط حدود امورك بدها كتمان لتنجح ، علاقات حلوة وبتطور بينك وبين محيطك وتعيش اجواء فيا تفاعل و نشاط ، لكن من الداخل مشغول بالك بأمر ما ،مبلغ مالي بتستفيد منه ، شراء عقار او امور سكنيه بتشغل العذراء
عاطفيا“: حاول تهدي هاليومين واترك مسافه امان بينك وبين الشريك ماتغامر بأي كلمة او طلب ، ممكن برود الشريك عم يشغلك قلق بالعلاقة
صحيا“: ضيق في التنفس وحرقة بالمعدة بتزعجك
مزاجك ⏳ 60% / مليت وانت راضي فلان وفلان وتحسب حساب لتصرفات بدك تتخلص من هالتقييد ياعذراء
برج الميزان
لا تجازف باللي عندك ، حاول تقدم شوية تنازلات بفترتك هي ،حاول تفتح عيونك منيح وتشوف الأمور يلي حواليك، ولا تعطي ادنك لفلان ولفلان
، وانتبه من حدا قاصد يجرحك او يسمعك حكي بلا طعمة، عم تشغلك امور العمل والمال وممكن عقد او تطوير بمجال عملك، هالفتره ياميزان ماتاجل شي اطلاقا” ان كانت امور عائلية او مهنية وتحلى بالصبر
عاطفيا:” حاول تعيد النظر ببعض القرارت يلي بتخص امورك العاطفيه وبحاجة الشريك لفرصه ثانية ،في شرح لوجهة نظر وبعده بكسب قلبه، اللاعزب حرفيا” صدفه حلوه وتعارف جديد بسر قلبك وخاطرك
صحيا”: جدا” بحاجة للطاقة البدنية ،وانتبه من التشنجات
مزاجك ⏳ 75 % / أهدافك كتيرة وقرار الاستقلال الذاتي يلي مرافقك ماغلط ابدا”
برج العقرب
كون على استعداد لمستقبل التطورات الإيجابية القادمة، اذا عم تفكر بسفر او تغير مكان ماتترد ابدا” حظوظك القادمه جيدة ، صح في غموض بتفكيرك وماعم تبوح عنه بس برافو، حاول ماتتردد بأي قرار ممكن ينعرض عليك ، جوليا الزين سفر واتصالاتك خارجيه وشخص غايب مابفارق تفكيرك وحديثك، ومرات عم تشغلك امورك العائلية وحاسس بتقل ، ممكن طفل ، او البعض في علاج لهالموضوع، وفي دعم من أخ وسند الك
أمور جيدة صح المسؤولية حتكون كبيرة عليك بس انت قدها،انتبه من الاعطال ولازدحام المرومي
عاطفيا” عم تفكر بتغيير ، او بإجراءات عم تطلب منك كتير شجاعة وجرائة ، وفي اخبار عاطفيه لصالحك،وبدنا نقول لحدا من برج العقرب مبروك قريبا”
صحيا”: أموره بالمعدة بتدايق، وبعض الهالات السودة، خفف منبهات
مزاجك ⏳ : 70% / خفف حساسية وتفكير الجانبي يلي عم يرافق بآخر هالليل تخلى عنو بتعب طاقتك كون إيجابي وبتلبقلك الايجابية
برج القوس
في اعتذار بدك تقدمه ياقوس ممكن بحق ذاتك او الاخرين، هاليومين عم تكون حيادي بعيد عن قلق واضطراب، بتشتغل بعض الأمور المالية،وممكن عم تفكر ببيع شى إلك او لحدا من عائلتك وبتنال مبلغ صغير،
قصص الميراث عند البعض عم تتجدد وحديث بخص هالموضوع ، امورك أفضل بين قبض ودفع و بتتخلص من الالتزامات يلي عليك قريبا”، تغير مكان لصالحك،وإذا عم تفكر تغامر بامور عقارية ماتترد وانتبه من الاعطال غالية الثمن هاليومين يا القوس
عاطفيا”: الإخلاص هو عنوان العلاقه القادمة مع الشريك،عم تحط شروط شوي جريئة وواضحة مع شريكك العاطفي، والبعض تدخل الاهل بامورهم العاطفيه زاعجهم
صحيا:” انتبه من الالتهابات ممكن جرح او ممكن ترميم،وحاول تنتبه لنفسك
مزاجك ⏳ 65 % / عم تخاطب ذاتك عن نجاح مهني طاقة حظ قريبا”،و قصص الذات عم تشغلك ماتقلق التطور برافقك
برج الجدي
بتظهر مواهبك وقدراتك المتنوعة ممكن عالصعيد الإداري والتنظيم والتنسيق ، امور جيدة وطاقة حلوه بترافقك وبترافق من حولك اتصالاتك كتيره مشغول بقصص وقضايا عائلية وممكن شوي قصه شراكة شاغله تفكيرك وبالك
وعم تفكر ببعض الحدود لأشخاص مقربين منك، وفي سفر ياجدي وممكن شخص غايب عم يشغلك هاليومين وبعد لحدا بخصك ،عم تطمح للمزيد من العطاء والمثابرة، انتبه للعيون يلي حولك هالفتره، وفي شخص نمام برافقك للأسف،انتبه من الاعطال المفاجئة
عاطفيا”: عم تلاقي تفاهم بامورك العاطفيه والوضع حاليا” أفضل مما كان ،،واحترام متبادل ، و للاعزب فتره مناسب للارتباط والتعارف
صحيا”: تجنب الإرهاق بقدر المستطاع و رهف نفسيتك ضروري جدا” وامورك بتحسن وانتبه لمنطقه الصدر
مزاجك ⏳ : 80 % / طاقه حلوه عم ترافق جوك وفيك تستفيد من هالطاقه وتحسن من مودك الأمور كلها بايدك ياجدي انت سيد نفسك والمواقف
برج الدلو
ممكن عم ترافق حاله من التوتر والقلق بينك وبين حدا او ماعم تقدر تنسق بين عملك وبين اشخاص اخدين جزء من قلبك، حاول ما تربط الأمور ببعض كرمال ماتخسر وتتعرف لبعض الضغوطات والمسؤوليات، تصرف بذكاء وحاول تحكم عقلك هالفتره اكتر من قلبك
والتزامات وامور ماليه بين دفع وقبض عم تشغلك ، وممكن مبلغ مالي صغير تستلمه من حدا ،ما تأجل اي شيء و عم تتلق بمجال عملك و انحازاتك بتقدم ملحوظ
عاطفيا:” كون معتدل يا دلو وما تبالغ في اظهار الحب والغرام ، كون حريص على اظهار الموده والاحترام اكثر من الحب لمحافظة عمكانتك بقلب الشريك، امور العاطفه جدا” جيدة
صحيا”: لا تبالغ بالافكار السلبيه اضطراب وصداع برافقك ، وانتبه من الم الضهر والمفاصل
مزاجك 80 % / المود عندك عالي بس عم تعطي أولويات لبعض الأمور حولك بالكتمان ، طاقة تغيير بترافقك، مواهبك ملفته
برج الحوت
عم تسامح حدا هاليومين عن تأخير امر ما ، في تعويض برافقك ، وطاقة حلوه عم تنشرها على ناس حولك ومتحمس عالتجديد ، والتالق واهتمامك شخصية بحته ، بتلقى دعم من حدا بخصك وقريبا منك
حلول ياحوت هالفتره تبعد عن التاجيلات ، كل الفرص متاحه وفيك تستفيد من اي عرض واي عمل بينعرض عليك الفلك بيدعمك لتقدم أفضل ماعندك و عم توجد حلول البديله عم تستخدمها بإتقان
عاطفيا”: عم تبعد عن فكر الرضا وارضاء الشريك بدك تطلع وتتخلص من هيك دور ، التنازلات تعبتك وبشدة ، حاول تكون دبلوماسي و رايق، طيف الماضي برافقك
صحيا”: أعصابك هدي أعصابك وانتبه من التشنجات، وكتر شرب ماء
مزاجك ⏳ : 75 % / فينا نقول الأنا عندك عم تكون عاليه عم تجدد افكارك وبتنطوي بذاتك، ماتكون طيب مع الكل،عين بتراقب وبشدة
خبيرة الأبراج والأحرف جوليا الزين
Loi del’ attraction |Comment obtenez- vous ce que vous ressentez
