أثارت رواية موسم صيد الغزلان للكاتب أحمد مراد حالة من الجدل وسط الأوساط الثقافية.
واعتبر البعض أنها رسخت لفكرة الإلحاد وانتقدها إخرون للألفاظ الجنسية.
موقع فرندة ينقل لكم رؤية مختلفة عن رواية موسم صيد الغزلان بقلم الكاتبة نجوان ماهر.
لتحميل رواية موسم صيد الغزلان للكاتب أحمد مراد بصيغة pdf
مكتبة فرندة موسم صيد الغزلان
و خلصنا موسم صيد الغزلان و انا بقفل اخر صفحة فيالرواية و لسة نفس السؤال بيتكرر
هو فين المشكلة…فين المشكلة أصلا و الناس غضبانة منها ليه و ايه لازمة العدائية تجاهها..قبل ما اتكلم كنت كتبت مسبقا اني بطلت اقرآ لاحمد مراد من اربع سنين بعد ارض الاله بسبب ان كتابته في التاريخ مش محبب لي و كان يفضل استمراره في ملعبه الخاص في الفانتازيا و التشويق و الاثارة و كنت حاسة مع الوقت انه هيبقي متفرد فيه.
و انتهي الامر لمده اربع سنين و لا حتي اهتميت اصلا اني افكر اشتري موسم صيد الغزلان و لا فرق معايا ما انا اخدت القرار علي الرغم من الجدل اللي اثارته الرواية.
المهم عند صدور لوكاندة بير الوطاويط و انا شايفة خناقات غير مبررة اطلاقا و اسباب مش جوهرية ابدا لنقد الرواية زي ما تكون تلكيك و استعراض مبالغ فيه لمثالية مزعومة.
للمزيد..
مكتبة فرندة| رواية بير الوطاويط .. إشكالية الكاتب مع اللفظ الجنسي pdf
بصراحة الفضول قتلني و بسبب اصرار اصدقائي لشراء الرواية قررت ارجع اقرا له تاني و الرواية فضلت سهرانة عليها لتاني يوم اقراها بشغف حقيقي و قلت اهلا بعودة احمد مراد لملعبه مرة تانيه.
و كان فيه تطور واضح جدا لاسلوبه و انا كتبت ريفيو عن الرواية و اللي شجعني اكثر اني اشتري موسم صيد الغزلان و اعرف ايه الجدل المثار عليها.
كل اللي عايزة اقوله ان الرواية فعلا مفيش فيها مشكله كون الناس تاخد القشور و تطلق احكام جزافية ده مش هيخليك قاريء حريف و محنك.
لازم يكون عندك بصيرة و سعة افق اصلها مش الرواية اللي هتغير توجهات المجتمع و تضرب في الثوابت هتقراها و تنام و تقوم هتبقي ملحد هي مش بالقوة اللي تخليك تدخل في حالة انكار او قبول.
انا مش بقلل من قيمة الرواية انا بحاول وضع كل حاجة في اطارها الصحيح.
هاخد مثال بسيط جدا يعني مثلا حوار ابليس في الرواية و انه اتحاسب علي خطآ واحد و اتطرد لكن الانسان بكم اخطائه اللي بيعملها بيشمله الغفران.
اعتقد ان اخر مشهد في مسلسل ونوس كان الفنان يحي الفخراني قام بآداء مشهد مشابه تماما كما هو موجود بالرواية و كان مشهد بالمسلسل كله.
و تم الاحتفاء به بصورة كبيرة طب و ايه المشكله في الرواية ليه بنعلق لها المشانق.
للمزيد..
بيت القبطية لـ أشرف العشماوي | حَاكموا هدى لأنها أرادت الحياة pdf
مبدآيا الزاوية اللي شفت منها الرواية انها ملهاش دعوة بالالحاد.
ايوة ..التسؤلات الموجودة انا شايفاها بتحصل لآي انسان عادي كلنا مرينا بيها و مش عيب علي فكرة.
الاسئلة و الافكار دي عدت علينا في لحظة من لحظات التدبر ، التفكر ، اليآس و القنوط وانا شايفاها انها علامة صحية جدا و بيثبتانك حي و فيك روح.
لما بنحاول نفهم ربنا بيفتح لنا سكة ويكشف لنا سر من اسرار الكون و ينور بصيرتنا والمفروض يكون القاريء عنده الشجاعة الكافية انه يقرآ في كل الاتجاهات.
وبعدين اعتقد ان الكتابه اللي بتستفز فكر القاريء و بتفتح في عقله مناطق مقفوله في عقله بارادته او بغيرها افضل بكثير من كتابة غرضها رضا القاريء و توجهاته.
علي فكرة انا بحترم الكاتب اللي بيكتب علشان نفسه علشان يوضح افكاره ووجهات نظره حتي و لو مختلفة و عارف انه ممكن روايته هتوجد معارضة وقتها بتبقي الرصاصة طلعت خلاص بس هو عمل اللي بيحبه و اللي نفسه فيه.
و مع الوقت الرواية الجيدة المتميزة بتفرض نفسها علي الساحة الادبية.
الرواية لطيفة جدا و استمتعت بيها و مش عارفة ليها حاسة ان لوكاندة بير الوطاويط امتداد ليها اما عن ظروف التجربة اللي اتعرض ليها البطل في العودة لحيوات اخري فكرتني بالفيل الازرق علي الرغم ان النهاية بالنسبه برضه مش قوية كانت احداث الرواية اقوي بكتير.
للمزيد..
رأس المال لـ كارل ماركس.. حكاية 100 دولار رسخت للرأسمالية!!
صفحتنا الرسمية فرندة – Farandh
