شهادة جديدة ضد هشام علام | صحفية مصرية: سألني أيه علاقة الجواز بالخلفة؟!
شهادة جديدة تضاف لسجل شهادات تحرش هشام علام.
نشر موقع دفتر حكايات المدونة شهادة فتاة بخصوص الصحفي الاستقصائي هشام علام، ادعت فيه أنه تجاوز معها في الحديث اثناء وجودهم بأحد ورش العمل التي كانا بها.
وكما اهتم موقع فرندة منذ بداية أزمة هشام علام بنشر وجهتي النظر وطرفي الخصومة (الصحفي هشام علام والفتيات التي تحرش بهن).
ننشر لكم شهادة الفتاة كما هي دون أي تدخل من هيئة تحرير الموقع.
فيديو 18+ العادة السرية علنًا!! .. تاريخ استمناء المصريين في الأماكن العامة
أنا حصلي موقفين مع الصحفي الاستقصائي (ه. ع)، أي نعم الموقفين أقل من شهادة الاغتصاب و التحرش الجسدي.
هو بصراحة ممدش ايده عليا بس حصلي معاه موقفين غير مريحين تماما وأنا بقولهم من باب المشاركة
الأول كان في 2015/ 2016 مش فاكرة السنة بالظبط أنا كنت بشتغل في ويب سايت صحفي و قابلته لأول مرة.
ساعتها كان مديري طلب مني ألقى نظرة على الترجمة الإنجليزية لأحد مواضيعه.
أنا خلصت متأخر يومها و كنت راكنه بعيد عن المكتب ف الأستاذ عرض عليا انه يوصلني لحد عربيتي.
انا فاكرة مقتطفات فقط من الحوار بس اهم جزء:
هـ: انتي عندك كام سنة؟
أنا: 23
هو: و انتي مخلفة بقي؟
انا: انا اساسا مش متجوزة، هخلف ازاي
هو: ايه علاقة الجواز بالخلفة، دي حاجة ودي حاجة!
انا: بجد وًالله؟ بص هي مدارس طبعا بس احنا عندنا اهلي مربيني على أن الناس بتتجوز و بعدين بتخلف مش العكس
و بعد كده مش فاكرة بس الكلام اتنقل على اني بقدم على فيزا و هو قالي هساعدك لو عايزة حد يخلصلك ورق في المجمع ليه علاقة بالفيزا و اداني رقمة.
انا شكرته على التوصيلة و مكلمتوش تاني.
للمزيد..
تريند المغتصب أحمد شوكت |لماذا تغيرت أخلاق المجتمع؟!
الموقف التاني بعدها بسنتين تقريبا، كنت بحضر تدريب للأستاذ (و كان اكتر من سئ و غير مفيد بالمرة) المهم كان طلب من بنت اعرفها انها تساعده في ترجمة موضوع.
وأنا عرضت عليها إني اساعدها ، المهم قعدت أقول له إنك لازم تدفع فلوس للبنت على مجهودها في أنها بتساعدك هو كان رده أنه قال (بهزار):
انا اخري اعزمكوا على ال درينك *مشروب ولا حاجة بعد ما تخلصوا المهم قولنا ماشي
فقال :” أنا طالع أوضتي في الأوتيل لما تجهزوا لما تجهزوا خبطوا عليا. المهم بعتله على الفيس بوك قولتله أحنا جاهزين ف ماردش ف خبط عليه ف فتح
وقالي أنا لسة بخلص حاجات تعالي بصي على الترجمة.
هو كان حاطط الاب توب على الترابيزة وكان على الكرسي بيبص على حاجة على الفيس بوك ف أنا كنت بقترح عليه بدائل للكلمات اللي بيستخدمها ل البوست باللغة الإنجليزية.
خلص كتابة وبعديها أنا قولتله يلا ننزل بقى البنت مستنيانا لاقيته وقف وبصلي كدة وأنا كنت سايبة باب الأوضة مفتوح بس كان واريا سرير الأستاذ ف الحوار دار كالآتي زي ما أنا فاكراه
هو: انتي مش خايفة مني؟
انا: لا اخاف من ايه!
هو: انتي معايا في الاوضة لوحدك و وراكي السرير انا ممكن اعمل فيكي حاجة
انا: ده اللي هو ايه يعني؟ البس الجاكيت و اخلص ! متأخرين!
و خرجت من الاوضة و روحنا قابلنا البنت و ناس تانية بعد كده و راح هو فتح الموضوع.
وحكي الموقف للناس ان تخيلوا ازاي انا كنت واقفة عنده في الاوضة ومكنتش خايفة منه وأنه حس ساعتها ما معناه أنه مش راجل يعني !
و بصراحة، أنا في الموقف الأخير دي تصرفي و ردودي عليه ماكنتش عشان أنا شجاعة على قد ماهي كانت بلاهة و عدم تخيل حجم الموقف و أنه عنده استعداد يأذي بجد!!
انا فعلا كنت شايفاه إنسان شايف نفسه من غير سبب وماكنتش واخده كلامه جد ولا أن له قيمة بصراحة ولحد ما شفت الشهادات اللي عليه ماتخيلتش اني كنت في خطر ساعتها فعلا.
إلى هنا تنتهي شهادة الفتاة التي التزمنا بنقلها كاملة.
للمزيد..
سيدة تسجل شهادتها عن تحرش استاذ جامعي بها
يأتي هذا في الوقت الذي تنتاب الوسط الصحفي المصري حالة من السخط تجاه الصحفي هشام علام إثر خروج عدة فتيات يروين شهادت تحرشه بهن أو محاولته الإيقاع ببعضهن.
ودشن رواد مواقع التواصل الاجتماعي (معظمهم فتيات وسيدات) هاشتاج حمل اسم #هشام_علام_مغتصب لفضح جرائم التحرش، وكذلك لتشجيع من لديهن شهادات باتخاذ موقف ضد الصحفي المقصود.
وأعلنت عدة مؤسسات صحافية دولية (أريج والجباية وموقع درج اللبناني) وقف التعامل مع هشام علام لحين وضوح الحقيقة.
كذلك أصدرت نقابة الصحافيين المصرية بيانا نددت فيه بجرائم التحرش ودعت فيه الصحفيات للتقدم ببلاغ ضد حالات التحرش التي حدثت لهن.
فيما اكتفى الصحفي هشام علام باصدار بيان أعلن فيه تبرأه من تلك الجرائم، كذلك نشر فيديو على صفحته الرسمية تبين أن موقع دفتر حكايات المدونة يختلق القصص ومن الممكن أن يرسل اي شخصية وهمية بشهادة تحرش فيتم نشرها دون الاستيضاح أو التأكد.
صفحتنا الرسمية فرندة – Farandh
للمتابعة والمزيد عن حكاية تحرش هشام علام:
هشام علام .. الضحية الرابعة سورية: حط ايدو على خصري من ورا !!
هشام علام متحرش |الشهادة الخامسة لصحفية سورية: دفعني على السرير
اتهام ثالث لـ الصحفي هشام علام .. طالبة جامعية| سألني: ليكي تجارب جنسية؟!
اتهام جديد للصحفي هشام علام من صحفية: لمس عضوي التناسلي غصب عني!!
هشام علام يرد على واقعة اغتصابه صحيفة وممارسة السادية الجنسية معها
التحقيق مع هشام علام| صحفية مصرية تطالب بفتح تحقيق حول وقائع تحرشه الجنسي
مؤسسة أريج تتبرأ من هشام علام بعد اتهامه بالتحرش الجنسي بصحفيات
حذف حلقات هشام علام بعد اتهامه بالتحرش الجنسي| الجباية: استخدمها للإيقاع بالنساء!!فيديو هشام علام يبرئ نفسه من اتهامات التحرش الجنسي
بعد فضيحة هشام علام.. نقابة الصحفيين المصرية تدخل على خط الأزمة
شهادة جديدة ضد هشام علام | صحفية مصرية: سألني أيه علاقة الجواز بالخلفة؟!
موقع درج اللبناني يوقف تعامله مع الصحفي هشام علام | ارتكب إساءات جنسية!!
